Mateyo 6:9 - Baibo Busansulushi Bwa Libuku Ili

⁹ Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Mateyo 6:9 Marejeleo ya Msalaba

2 Samwelo 7:26

kwaamba ayi liina lyanu linokwiinditewobo bulemu kwanshiku shoonse. Lyalo bantu bakanokwaamba ayi, ‘Ee, Mwaami Lesa Shinkusu shoonse nguLesa weendelesha bene Isilaeli!’ Munshila iyo mulaakupa coolwe bamulunyungu lwangu nebo nemusebenshi wanu ayi bakanookweendelesha bene Isilaeli lyoonsebo.

1 Baami 8:43

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

1 Makani 17:24

kwaamba ayi liina lyanu linokwiinditewobo bulemu kwanshiku shoonse. Lyalo bantu bakanokwaamba ayi, ‘Ee, Mwaami Lesa Shinkusu shoonse nguLesa weendelesha bene Isilaeli!’ Munshila iyo mulaakupa coolwe bamulunyungu lwangu nebo nemusebenshi wanu ayi bakanokweendelesha bene Isilaeli lyoonsebo.

2 Makani 20:6

akupaila cakoolobesha ayi, “NoBaami baLesa, baLesa ba bamashali besu bakulukulu. Mulalela kwiculu apacishi coonse ca panshi. Mulicite nkusu shoonse abulemu buunji. Ncakwiila taaku weenga wakonsha kumulwana.

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 72:18

Aalumbaishikwe Mwaami Lesa, Lesa wa bene Isilaeli! Lakwe eenka ngwaacita shintu ishi shikankamika.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Esekelo 36:23

Ono ndaakutondesha kusalala kwa liina lyangu lilemekwa, ilyo lyakabishikwa pakati ka mishobo, ee, liina ndimwakabisha pakati ka mishobo. Lyalo ndyeshi bakeshibe ayi ndi Mwaami Lesa. Nebo Mwaami Lesa Shinkusu shoonse ndaamba. Ndaakutondesha ayi ndisalalite pameenso abo kwiinda muli ndimwe.

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 10:29

Sa te tuntiinga tobilo tuloolwa lyaali lyomwi? Sombi taaku kanga ntiinga nabi komwi nkeenga kalokela panshi kwakuteshiba Ishiwanu.

Mateyo 23:9

Muteeti muntu pano pacishi ca panshi ayi, ‘Ta’ ceebo mulicitebo Ishiwanu womwi uyo uli kwiculu.

Mateyo 26:29

Ntoomulwiita ayi, teshi nkanwewo lyobilo maanshi a shisepo sha minyansa, kushikila pabushiku ubo ndyeshi nkanwe anu maanshi apya a shisepo ishi, muBweene bwa baTa.”

Mateyo 26:42

Jesu wakaboolela mukupaila alimwi ayi, “Ta, na nkomeshi ya mapensho iyi inga tainyindilili kaantana kunwa, anu kuyanda kwanu akucitike.”

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Mateyo 6:14

“Ceebo na mwalekelela bamwi shibiibi shabo, alakwe Ishiwanu uli kwiculu ulaakumulekelela amwebo.

Mateyo 6:6

Sombi mwebo pakupaila, amunjile muŋanda yanu akucala kumulyango, lyalo mupaile kuli Ishiwanu utaboneki. Ishiwanu ubona shabushishi ulaakumulambula.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Luka 15:18

Ntoonyamuka nje kuli bata nkaambe ayi, Ta, ndaabisha kuli Lesa akuli ndimwe.

Luka 15:21

Mwaana uyo wakaambila baishi ayi, ‘Ta, ndakabisha kuli Lesa akuli ndimwe. Nsheelete kwiitwa ayi mwanaanu.’

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Loma 8:15

Mukwiinga Mushimu ngomwakatambula toomwaaluli basha akumulenga boowa. Sombi ulamulengesha kuba bana bakwe Lesa. Ncakwiila munkusu sha Mushimu uyu tuleeta Lesa ayi, “Aba,” nkokwaamba ayi, “Ta!”

Bene Galatiya 1:1

Ndime Paulo mutumwi. Teshi muntu wakantuma sombi Jesu Klistu alimwi aLesa Ishiwesu uyo wakamubusha kuswa kubafu.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”

Ciyubululo 5:12

Ndakabanyumfwa kabeemba mumaswi apeculu ayi, “Mwanaambelele wakalinga wacaikwa, ngoweelete kutambula bweendeleshi, bubile, busongo, nkusu, mucinshi, bulemu alimwi akulumbaishikwa.”