Mateyo 6:33 - Baibo Busansulushi Bwa Libuku Ili

³³ Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Mateyo 6:33 Marejeleo ya Msalaba

1 Baami 17:13

Elija wakamwaambila ayi, “Mutalisukami, kamuya muteleke cakulya canu. Sombi mutaangune kumpangila kashinkwa kaniini akundetela. Lyalo ndyeshi mubambe shakulya shanu mwebo amwanaanu.

Kulumbaisha 112:3

Bamuŋanda yakwe balaakuba abuboni buunji, ndushinisho bamuŋanda yakwe balaakunooluleme lyoonse alyoonse.

Kulumbaisha 37:25

Kuswabo kubwanike kushika abobulya ndindacembela, nshikwe kubonaawo kale baluleme kusuulwa kuMwaami Lesa, nabi bana babo kusengelela cakulya.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Tushimpi 10:3

Mwaami Lesa talekeleli ululeme ayi afwe kunsala, sombi mucita shibi lakwe taamuleeki ayi acane nshaasuni.

Tushimpi 28:10

Uyo woonse utanjilila kuya munshila ya bubi, ncakwiila ulaakucatwa mukoose kakwe mwiine. Sombi baluleme balaakupekwa shilambu sheelete.

Tushimpi 8:18

Ndime nengesha bantu kubila akuba abulemu. Ee, ndime mbalengesha kuba abuboni akuswitilila.

Shikushimikila 10:2

Moyo wa musongo ulakakatila kushiluleme, sombi moyo wa muluya ulakakatila kububi.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 33:6

Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

Isaya 45:24

“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Mateyo 5:6

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Luka 12:31

Aboobo amuyandoole Bweene bwakwe Lesa, lyalo Lesa ulaakumupa shintu shoonse ishi.

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Milimo ya Batumwi 28:31

Wakalinga kushimikila makani a paBweene bwakwe Lesa akwiisha shapaMwaami Jesu Klistu cakubula boowa alimwi taaku muntu nabi womwi wakamukasha.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 3:22

Paulo, Apolosi aPita, cishi cino, buumi nabi lufu, shiliiwo asheesho sheshi shikabeeko, shoonse nshanu.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

2 Bene Tesalonika 1:5

Ishi shoonse shitootondesha calushinisho kwaamba ayi Lesa uloombolosha cabululami. Aboobo citokwaamba ayi mulyeelete kwinjila muBweene bwakwe Lesa ubo mboomutoopengela.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

2 Pita 1:11

sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.