Mateyo 6:24 - Baibo Busansulushi Bwa Libuku Ili

²⁴ “Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Mateyo 6:24 Marejeleo ya Msalaba

Matalikilo 47:17

Aboobo bakaleta shifubwa shabo kuli Josefu alakwe wakabapa shakulya mukushintana amaaki, mbelele, mpongo, ŋombe, ambongolo shabo. Mwaaka uyo wakabapa shakulya mukushintana ashifubwa shabo shoonse.

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

2 Baami 17:41

Ncakwiila bantu abo bakalinga kulambila Mwaami Lesa, sombi bakatolelela akulambila shibumbwabumbwa shabo. Ono kushikila abobulya bamulunyungu lwabo bacicita bweenka ubo.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Luka 16:11

Ono na kamutashomeki pabuboni bwa pacishi cino, ino ngani eshi akamushoome akumupa buboni bwancinencine?

Luka 16:13

“Taaku musebenshi weenga wasebensela baami bobilo, mukwiinga ulapata umwi akusuna umwi, nabi kunyumfwila umwi akusuula umwi. Nkokwaamba ayi tamukoonshi kusebensela Lesa abuboni.”

Luka 16:9

Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”