Mateyo 6:19 - Baibo Busansulushi Bwa Libuku Ili

¹⁹ “Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.

Mateyo 6:19 Marejeleo ya Msalaba

Jobo 24:16

Mashiku beepi ndibapwaya maanda. Ono malumwi balalicalila ceebo tabasuni kucita shintu mumumuni.

Jobo 31:24

“Nshindakalinga kushomawo mububile ee, nshindakalinga kucinka manungo mugolodi wiine wiine.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulonga 22:2

Mwiipi ncakwiila ulyeelete kulipila pabuboni mbwaaipa. Ono na taaku ncaacite, ulyeelete kuulishikwa kwaamba ayi alipile pabwiipi bwakwe. Na cifubwa ico ceepwa cacanika kacili cuumi mumaansaakwe, abe musune, mbongolo nabi mbelele, ulyeelete kulipila shifubwa shobilo pacifubwa comwi ncaakeepa. “Na mwiipi wacanikwa utoopwaya ŋanda ya mwiine mashiku ayi eepe, ono woomwa cakucaikwa, uyo wamucaya teelete kupekwa mulandu wakucaya muntu. Sombi na cacitika bwaca kale, uyo wamucaya ulyeelete kupekwa mulandu.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Mateyo 6:20

Sombi amulibikile bubile bwanu kwiculu, uko tubambala nabi ndalabwa nkoshitanyonyooli abeepi nkobatakoonshi kwinjila.

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 12:39

Sombi amunyumfwishe cikani ici. Naakwiinga mwine ŋanda keeshi ciindi mwiipi ndyeshi ese, inga taalekibo mwiipi ayi enjile muŋanda yakwe.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 18:24

Jesu ndyaakabona ayi woongumana wakaamba ayi, “Nciyumu abuumbi kubantu babile kwinjila muBweene bwakwe Lesa!

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”