Mateyo 6:16 - Baibo Busansulushi Bwa Libuku Ili

¹⁶ “Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:16 Marejeleo ya Msalaba

2 Samwelo 12:16

Defedi wakakombelela kuli Lesa ayi mwaana uyo abe kabotu. Wakalikasha kulya alimwi lyoonse mashiku wakalinga kunjila muŋanda yakwe akoona panshibo.

2 Samwelo 12:21

Kuswawaawo bacinenenene bakwe bakamwiipusha ayi, “Swebo ici catwaalila mwakucitola! Mwaana kaacili muumi, mwalinga kulikasha kulya akulila buumpute. Sombi mbulya mwaana ndyaafwa mwabuuka akutalika kulya!”

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

Neyemiya 1:4

Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Kulumbaisha 109:24

Mumanungo angu mwatontola ceebo cakutalya. Ncakwiila ndacaalabo mafuwa eenka.

Kulumbaisha 35:13

Sombi ciindi ndibakaciswa ndakafwala masaka. Ndakalikasha kulya, akupaila mutwi wangu kookontyamikitwe,

Kulumbaisha 69:10

Ndindakalibombya kwiinda mukulikasha kulya, kwakaba nkuliletelela ayi ntukanwe.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Mateyo 6:1

“Amucenjele ayi mutaciti milimo yanu iluleme kubantu ayi bamuluumbe ceebo na mwacita boobo, teshi mukatambule cilambu kuswa kuli Ishiwanu uli kwiculu.

Mateyo 6:2

“Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Maako 2:18

Bumwi bushiku bashikwiiya bakwe Joni Mubombeki alimwi abashikwiiya ba baFalisi, bakalinga paciindi ca kulikasha kulya. Bantu bamwi bakesa kuli Jesu akwiipusha ayi, “Nceebonshi bashikwiiya bakwe Joni aba baFalisi balaba aciindi ca kulikasha kulya, sombi bashikwiiya bako tabalikaashi?”

Luka 18:12

Ndalikasha kulya mankanda obilo munsondo alimwi pashintu likumi shoonse nsheenga ndacaana ndakushawo comwi akumupa, noBaami.’

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Milimo ya Batumwi 10:30

Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

1 Bene Kolinto 7:5

Tamweelete kukakilana, sombibo na mwasuminishanya kwiimikana kwaciindi ciniini kwaamba ayi mubebo aciindi cakupaila. Camanabo ciindi cakupaila mulyeelete kutalika kukumana alimwi kwaamba ayi Satana atamusunki ceebo cakwaalilwa kulicata.

2 Bene Kolinto 11:27

Lyoonse ndakalinga kuyuwaana, mankanda maanji nshindakalinga koona tulo. Liinji liinji ndakalinga kufwabo nsala anyotwa. Alimwi liinji ndakalinga kubula shakulya, kufwa mpewo mukubula ŋanda ashakufwala.

2 Bene Kolinto 6:5

Mukuumwa, mukwaangwa, mumanyonyongano, mukusebensa cankusu, mukutoona tulo amunsala.