Mateyo 5:39 - Baibo Busansulushi Bwa Libuku Ili

³⁹ Sombi nebo ntoomulwiita ayi bubi tabeelanishi. Na umwi wakuuma kulicili lyakululyo, piluluka akuume akucipiko.

Mateyo 5:39 Marejeleo ya Msalaba

1 Baami 22:24

Lyalo mulaluki Sedekiya mwanaakwe Kenaana wakaya kuli Mikaya, wamuuma lupaka pameenso akumwiipusha ayi, “Mushimu wa Mwaami Lesa wakaswaawo lili muli ndime akwisa mukwaamba awebo?”

Jobo 16:10

Bantu balanshibulukabo akungwela. Balambunganina akunguma mpaka pameenso.

Tushimpi 20:22

Utaambi ayi, “Ndakukubooshesha cishole.” Cinka manungo muMwaami Lesa, ngweshi akakucaafwe.

Tushimpi 24:29

Utaambi ayi, “Anebo ntoomucita bweenka mbwaakancita. Ncakwiila ntooboosha cishole kuli nguwe pashintu nshaakancita.”

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Malilo 3:30

Aasumine kuumwa nabi kucobolwa, ee, aasumine kusebaanishikwa.

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

Mika 5:1

Nobene Jelusalemu, amubunjike bashilumamba banu, twashingulukwa a balwani. Booma muleli wa bene Isilaeli kumeenso amusako.

Mateyo 5:40

Na umwi utooyanda kukupa mulandu, ono wakunyaya mwinjila, utamukaashi, sombi mupe acakufwala ca peculu.

Luka 22:64

Lyalo bakamufweka pameenso, bakamuuma akumwiipusha ayi, “Twaambile, ino ngani wakuuma?”

Luka 6:7

Bafundishi ba Milawo abaFalisi bakalinga kulangishisha ayi babone na Jesu utooshilika musankwa uyo pabushiku bwakookesha ayi bamucanine mpapo bubi.

Joni 18:23

Jesu wakaamba ayi, “Na kuli cibiibi ncendaamba, caambe. Ono na ndaamba ciluleme, nciinshi ncewangumina?”

1 Bene Kolinto 6:7

Ono caboneka kale kwaamba ayi mwaalilwa ceebo mulayanda kutola milandu yanu kunkuta sha bakunsengwe. Sa tacibete cibotu kwaamba ayi mwebo bantu bamubishishe? Ceebonshi tamulekibo bantu abo bamupambila shintu?

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

Bene Ebulu 12:4

Mukwiinga mukulifuna munkondo ya shibiibi, tamuna kushika pamapensho akwaamba ayi mutooyanda kucaikwa.

Jemusi 5:6

Mwapa mulandu akucaya bantu batacite milandu alimwi tabamupikishi.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.