Mateyo 5:19 - Baibo Busansulushi Bwa Libuku Ili

¹⁹ Paceebo ceeco, uyo woonse usotoka mulawo uniini nabi womwi, akwiisha bantu kunocita bweenka ubo, ulaakuba muniini muBweene bwakwe Lesa. Sombi uyo ukonkela Milawo akwiishako bamwi ulaakuba munene muBweene bwa kwiculu.

Mateyo 5:19 Marejeleo ya Msalaba

Kulumbaisha 119:128

Paceebo ceeco ndakonkela milasho yanu yoonse. Ndipatite nshila shoonse shibiibi.

Kulumbaisha 119:6

Na mbike maano kumilawo yanu yoonse, ingayi teshi nkalenshekwe nsoni.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Mateyo 11:11

Ntoomwaambila calushinisho ayi Joni ngumunene kwiinda pabantu boonse kuswabo kale kale. Sombi uyo muniini muBweene bwa kwiculu ngumunene kwiinda nguwe.

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 20:26

Sombi tabwishi mbocibete ubo pali ndimwe. Uyo woonse usuni kuba munene pali ndimwe, ulyeelete kuba musebenshi wanu.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 11:42

“Mapensho kuli ndimwe nobaFalisi! Mukwiinga mulapa kuli Lesa calikumi ca mbewu shinunkila kabotu ashimwi shilengesha kwaamba ayi cakulya cibote alimwi abucisa bwa mushobo uli woonse. Sombi tamuciti shintu shiluleme kubantu nabi kusuna Lesa. Ceebo shintu ishi mwalinga kweelete kunooshicita cakutasuula shimwi.

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Milimo ya Batumwi 1:1

Nomusunikwi baTeyofilasi, Mulibuku lyangu lyakutaanguna ndakalemba pamakani a shintu shoonse shakacita Jesu akwiisha, kuswa lyeelyo ndyaakatalika ncito

Bene Loma 3:8

Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.

Bene Loma 6:1

Ino twaambe buyani? Sa tutolelele kubisha kwaamba ayi luse lwakwe Lesa lufulileeko?

Bene Loma 6:15

Ino ono cili buyani cikani ici? Sa tunoobishabo ceebo tatweendeleshekwi aMilawo, sombi aluse lwakwe Lesa? Kulaalebo!

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Dutolonomi 27:26

“ ‘Aashinganishikwe muntu uli woonse uyo utakonkeli maswi oonse ali mumilawo yoonse yakwe Lesa.’ “Mpeeke bantu boonse balaakwaamba ayi, ‘Ameni’

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

1 Joni 3:4

Uyo woonse ubisha, ulasotoka mulawo wakwe Lesa mukwiinga kubisha nkusotoka mulawo.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.