Mateyo 5:18 - Baibo Busansulushi Bwa Libuku Ili

¹⁸ Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Mateyo 5:18 Marejeleo ya Msalaba

Kulumbaisha 102:26

Sombi shoonse ishi shilaakumana, sombi mwebo mulaakucaala. Shoonse shilaakusansooka anga nshakufwala. Mulaakushisowa anga nshakufwala shifwite, lyalo shilaakushimingana.

Kulumbaisha 111:8

Milasho yakwe njalyoonse alyoonse, yakapekwa mukushomeka abululami.

Kulumbaisha 119:152

Kalekale ndakeeya mukwiisha kwanu ayi mwakakupanga kwaamba ayi kukalilile kwamuyayaya.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Mateyo 10:15

Ntoomulwiita calushinisho ayi pabushiku bwakoomboloshekwa, Lesa ulaakupa ndabala iyo mulandu unene kwiinda Sodoma aGomola!

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Mateyo 10:42

Uyo woonse upa nabi maanshi kuli womwi muniini wa baabo bankonkela, ayi mukwiinga ulankonkela, ncakwiila uyo teshi akabule cilambu.”

Mateyo 11:11

Ntoomwaambila calushinisho ayi Joni ngumunene kwiinda pabantu boonse kuswabo kale kale. Sombi uyo muniini muBweene bwa kwiculu ngumunene kwiinda nguwe.

Mateyo 13:17

Ntoomulwiita calushinisho ayi balaluki bakulukulu baanji, alimwi abantu baanji baluleme, bakalinga kuyandishisha kubona sheeshi nshemutoobona, sombi tabakwe kushibona. Bakalinga kuyandishisha kunyumfwa shintu nshemunyumfwa, sombi tabakwe kushinyumfwa.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 17:20

Jesu wakabakumbula ayi, “Ceebo lushomo lwanu nduniini. Ntoomulwiita calushinisho ayi na kamucite lushomo luli mbuli luseke lwa masitadi, mulakonsha kwaambila kalundu aka ayi, ‘Swaawo apo uye waalya’, akalo kalaakuswaawo cancinencine. Taaku nceenga camwaalilaawo tau! [

Mateyo 18:18

“Ntoomulwiita calushinisho ayi cintu coonse nceenga mwaanga pacishi ca panshi, akwiculu koonse caangwa. Cili coonse nceenga mwaangulula pacishi ca panshi akwiculu cilaakwaangululwa.

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 19:23

Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Mateyo 23:36

Ntoomulwiita calushinisho mulandu wa sheeshi shoonse ulaakuwita pabantu ba cecino ciindi.

Mateyo 24:2

Sombi Jesu wakabakumbula ayi, “Te mwashibona shoonse ishi? Ntoomulwiita calushinisho ayi taaku libwe nabi lyomwi lyeshi likacaale palibwenyina, oonse alaakumwayululwa.”

Mateyo 24:47

Ntoomulwiita calushinisho ayi, mwaami wakwe ulaakumupa mulimo wakulama shintu shoonse nshaacite.

Mateyo 25:12

Sombi shibwiinga wakabakumbula ayi, ‘Kumulwiita calushinisho, nebo nshimwishiiwo!’ ”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Mateyo 5:26

Ntoomulwiita calushinisho ayi teshi ukasweemo umo, kushikila ukalipile shoonse shiyandika.

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:2

“Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.

Mateyo 8:10

Ono Jesu ndyaakanyumfwa boobo wakakankamana, lyalo wakaambila baabo boonse bakalinga kumukonkela ayi, “Ntoomulwiita calushinisho ayi nshina kubonawo kale lushomo lunene bobulya nabi muIsilaeli!

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Maako 10:29

Jesu wakaamba ayi, “Ndushinisho ntoomulwiita ayi taaku muntu uyo wakashiya ŋanda yakwe nabi wakashiya banandumi, banankashi shakwe, banyina, baishi, baana nabi myuunda ceebo ca liina lyangu alimwi aMakani Abotu,

Maako 11:23

Ntoomulwiita calushinisho ayi na muntu waambila kalundu aka ayi, ‘Swaawo apo mpoobete, uye uliwaale mulweenge.’ Na waamba cakutatonsha mumoyo akushoma kwaamba ayi ico ncaamba citoocitika, ncakwiila cilaakucitika.

Maako 12:43

Mpomunyaawo Jesu wakeeta bashikwiiya bakwe akubaambila ayi, “Ntoomulwiita calushinisho ayi, uyu mukalubinje mukandu wabikamo maali aanji kwiinda baabo boonse babika.

Maako 13:30

Ntoomulwiita calushinisho ayi shintu shoonse ishi shilaakucitika, bantu boonse baliiwo bulya kabatana kumaninina kufwa.

Maako 14:18

Ndibakalinga kushiite kabalya, Jesu wakaamba ayi, “Ntoomulwiita calushinisho ayi umwi wa mulikoto lyanu ngoontoolyaakwe, utoongaba.”

Maako 14:25

Ntoomulwiita calushinisho ayi teshi nkanwewo lyobilo maanshi a shisepo sha minyansa, kushikila pabushiku ubo ndyeshi nkanwe maanshi apya a shisepo ishi muBweene bwakwe Lesa.”

Maako 14:30

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila lyabili, utokwaamba mankanda otatwe ayi toonshi.”

Maako 14:9

Ntoomulwiita calushinisho ayi kuli koonse bantu nkweshi bakanooshimika Makani Abotu mucishi coonse ca panshi, balaakunokwaamba acikani ici cacita mwanakashi uyu mukumwiibaluka.”

Maako 3:28

“Ntoomulwiita calushinisho ayi bantu boonse inga balekelelwa shibiibi shabo shoonse alimwi abubi boonse mbweenga baamba.

Maako 6:11

Na mwashika mundabala imwi bantu bakaka kumutambula akunyumfwa makani anu, mukalipaampe lusuko kushimpanta pakuswa mundabala umo. Ici cilaakuba citondesho cakwaamba ayi balicite mulandu.”

Maako 8:12

Mpeeke Jesu wakayoyela mubulaamfu akubaambila ayi, “Nceebonshi mwebo nobantu ba cecino ciindi ncemuyandila citondesho? Ntoomulwiita calushinisho ayi taaku citondesho nceshi mucitilwe.”

Maako 9:1

Jesu wakatolelela kubaambila ayi, “Ntoomulwiita calushinisho ayi mpobali bamwi pano peenka, beshi bakabule kufwa kabatana kubona Bweene bwakwe Lesa kabwisa ankusu.”

Maako 9:41

Anu ntomulwiitilisha ayi uyo woonse umupa maanshi akunwa mukwiinga muli bakwe Klistu, ncakwiila uyo teshi akabule cilambu.”

Luka 11:51

kuswa kukucaikwa kwakwe Abelo kushikila kukucaikwa kwakwe Sekaliya, uyo wakacailwa pakati lya cipaililo alimwi aMusena Usalalite wa Ŋanda yakwe Lesa. Ee, ntoomulwiita ayi bantu ba cecino ciindi balaakupekwa mulandu pasheeshi shoonse!

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Luka 13:35

Aboobo Ŋanda yakwe Lesa ili muli ndiwe, yaba litongo. Ntoomulwiita ayi teshi mukamboneewo alimwi kushikila mukaambe ayi, ‘Ulicite coolwe uyo utoosa muliina lya Mwaami Lesa.’ ”

Luka 16:17

Sombi ncuubu abuumbi liculu acishi kumana kwiinda libala lyomwi lya Milawo kumana ncito.

Luka 18:17

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Luka 18:29

Jesu wakakumbula ayi, “Ntoomulwiita calushinisho ayi uyo woonse ushiya ŋanda yakwe, mukaakwe, bamakwabo, bashali bakwe nabi bana bakwe ceebo ca Bweene bwakwe Lesa,

Luka 23:43

Lyalo Jesu wakamwaambila ayi, “Ncakwiila ntookulwiita ayi sunu lyeenka utooba anebo muMusena ukondelesha.”

Luka 4:24

Wakabaambila alimwi ayi, “Ncakwiila ntoomwaambila ayi taakuuwo mulaluki ulemekwa mucishi cine mishaabo.

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

Joni 10:1

Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi.

Joni 10:7

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Joni 12:24

Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.

Joni 13:16

Ntoomulwiita calushinisho ayi, taaku musebenshi wiinda mwaami wakwe alimwi taaku mutumwi wiinda wooyo wakamutuma.

Joni 13:38

Jesu wakakumbula ayi, “Sa ncakwiila ulilibambite kwaaba buumi bwako ceebo ca ndime? Ntokwaambila calushinisho ayi kombwe kaatana kulila utokwaamba mankanda otatwe ayi toonshi.

Joni 14:12

Ntoomulwita calushinisho ayi uyo woonse ushoma muli ndime, ulaakukonsha kucita nsheencita. Ncakwiila ulaakucita ashiinda pasheesho nsheencita ceebo ntooya kuli baTa.

Joni 16:20

Ntoomulwiita calushinisho ayi mwebo mulaakulila akuungumana, sombi bamucishi balaakusangalala. Mulaakuungumana, sombi kuungumana kwanu kulaakuba kusangalala.

Joni 16:23

“Pabushiku ubo taaku nceshi mukansenge. Ntoomulwiita calushinisho ayi baTa balaakumupa cili coonse nceshi mukasenge muliina lyangu.

Joni 21:18

Ntookulwiita calushinisho ayi, ndiwakalinga mwanike wakalinga kufwala omwiine akuya nkowakalinga kusuni. Ono waakucembela ulaakutandabikabo maansa, lyalo muntu umwi ulaakukufwalika akukutola nkootasuni.”

Joni 3:11

Ntookulwiita calushinisho ayi tulaamba nshetwishi akupa bukamboni bwa shintu nshetwakabona, sombi mwebo tamusumini maswi esu, sobwe.

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Joni 5:19

Mpomunyaawo wakabakumbula ayi, “Ntoomulwiita calushinisho ayi Mwaana taaku nceenga wacita palwaakwe mwiine. Sombi ulacitabo ncaabona baIshi kabacita. Shicita baIshi alakwe Mwaana nshaacita.

Joni 6:26

Jesu wakakumbula ayi, “Ntoomulwiita calushinisho ayi tamutoonangoola ceebo mwakabona shaankamiko shindakacita, sombi mukwiinga mwakalya shinkwa akukuta.

Joni 6:32

Jesu wakaamba ayi, “Ntoomulwiita calushinisho ayi teshi Mose wakamupa cakulya ciswa kwiculu, sombi baTa mbobapa cakulya cancinencine ciswa kwiculu.

Joni 6:47

Ntoomulwiita calushinisho ayi uyo woonse ushoma muli ndime ulicite buumi butamaani.

Joni 6:53

Jesu wakabaambila ayi, “Ntoomulwiita calushinisho ayi, na mwabula kulya mubili wa MwanaaMuntu akunwa bulowa bwakwe, inga tamubi abuumi muli ndimwe.

Joni 8:34

Jesu wakabakumbula ayi, “Ntoomulwiita calushinisho ayi uyo woonse ubisha ngumusha wa cibiibi.

Joni 8:51

Ntoomulwiita calushinisho ayi uyo woonse ucita bwaamba maswi angu teshi akafwewo.”

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

1 Pita 1:25

sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.