Mateyo 5:11 - Baibo Busansulushi Bwa Libuku Ili

¹¹ “Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Mateyo 5:11 Marejeleo ya Msalaba

Kulumbaisha 35:11

Bakamboni babeshi baleemikana akunshinina, ncakwiila balanshinina pashikani nshenteshi.

Kulumbaisha 44:22

Ceebo ca ndimwe tulacaikwa bushiku abushiku, ee, nceebo ca ndimwe ncetutoocitilwa anga nimbelele shakucaya.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Jelemiya 37:14

Mpeeke ndakamukumbula ayi, “Teshi mbocibete ubo, sobwe. Nebo nshintoocicila kubene Babiloni kuya mukuba kulubasu lwabo!” Sombi lakwe Ilija taakwe kunyumfwila. Aboobo wakancata akuntola kubacinenenene.

Mateyo 10:18

Balaakumutola kubaleli abamaami ceebo ca liina lyangu, kwaamba ayi mukape bukamboni pameenso abo alimwi akubaswamashi bakunsengwe.

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

Mateyo 10:25

Anu uyo utokwiiya ulyeelete kuba bweenka mbuli mufundishi wakwe, alakwe musebenshi ulyeelete kuba mbuli mwaami wakwe. Ino na mwine ŋanda uleetwa ayi Bilusebulu, balo bekala muŋanda umo balaakweela kuli meena kubica?

Mateyo 10:39

Uyo woonse usunishi buumi bwakwe ulaakubusowa, sombi uyo usowa buumi bwakwe ceebo ca ndime, ulaakubucana.

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Mateyo 27:39

Mpeeke bantu bakalinga kwiindilaako, bakalinga kupukumunabo mitwi akunoocobola Jesu

Maako 13:13

Bantu boonse balaakumupata ceebo ca liina lyangu. Sombi uyo eshi akayuminine kushikila kumamanino a mapensho aya ulaakupulushikwa.

Maako 13:9

“Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Maako 4:17

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Maako 8:35

Mukwiinga uyo woonse usuni kupulusha buumi bwa buntu, ulaakubusowa. Sombi uyo woonse usowa buumi bwakwe ceebo ca ndime alimwi aceebo ca Makani Abotu, ncakwiila uyo ulaakubucana.

Luka 21:12

Sombi shoonse ishi kashitana kucitika, mulaakwaangwa akupenshekwa. Mulaakutolwa mushoonde sha baJuda mukoomboloshekwa akubikwa muntolongo. Mulaakwiimikana kunembo lya bamaami abaleli ceebo ca liina lyangu.

Luka 21:17

Bantu boonse balaakumupata ceebo ca liina lyangu.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Luka 9:24

Mukwiinga uyo woonse usuni kupulusha buumi bwa buntu, ulaakubusowa. Sombi uyo woonse usowa buumi bwakwe ceebo ca ndime, ncakwiila ulaakubucana.

Joni 15:21

Sombi balaakucita shintu shoonse ishi pali ndimwe ceebo ca liina lyangu mukwiinga tabamwishi uyo wakantuma.

Joni 9:28

Mpomunyaawo bakamutukana akwaamba ayi, “Webo ndiwe shikwiiya wakwe, sombi swebo tuli bashikwiiya bakwe Mose.

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Bene Loma 8:36

Kweelana ambokulembetwe muMalembo akwe Lesa ayi, “Lyoonse bantu balapinga kutucaya ceebo ca ndimwe alimwi bantu balatucita anga nimbelele nshebatooya mukucaya.”

1 Bene Kolinto 4:10

Swebo tuli baluya ceebo cakwe Klistu. Sombi mwebo muli basongo muli Klistu. Swebo tuli batentu, sombi mwebo muli bayumu. Mwebo mulalemekwa, swebo tulasuulwa.

2 Bene Kolinto 4:11

Mubuumi bwesu boonse tulaboolelabo pakalindi ceebo cakwe Klistu, kwaamba ayi buumi bwakwe buboneke mumibili yesu ifwa.

Bene Filipi 1:29

Mwebo mwakapekwa coolwe cakusebensela Klistu, kuteshi kushomabo muli nguwe, sombi amukumupengela.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

Ciyubululo 2:3

Watolelela kupenshekwa ceebo ca ndime alimwi tookwe kutyongola, sobwe.