Mateyo 4:23 - Baibo Busansulushi Bwa Libuku Ili

²³ Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Mateyo 4:23 Marejeleo ya Msalaba

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Kulumbaisha 74:8

Bakalyamboosha mumyoyo yabo ayi, “Tulaakubanyonyoola cakumaninina!” Bakatenta misena yoonse mucishi, umo Lesa mwaakalinga kulambililwa.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 12:9

Jesu wakaswaako uko akuya mukwinjila mucoonde ca baJuda.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Mateyo 13:54

akuya kundabala ya kumishaabo. Ndyaakashika wakeeisha bantu mucoonde ca baJuda cakwaamba ayi boonse bakakankamana akutalika kwaamba ayi, “Ino uyu muntu wakakusha kuli busongo ubu ankusu ishi shakucita shaankamiko?

Mateyo 14:14

Jesu ndyaakasubuka, wakabona bantu baanji baanji kababungene. Lyalo wakabanyumfwila nkumbu akushilika balwashi mbobakalingaabo.

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 9:35

Jesu wakaya ceenda mumandabala oonse amumishi. Wakalinga kuya ciisha mushoonde sha baJuda akushimikila Makani Abotu a Bweene bwakwe Lesa alimwi akushilika malwashi apusenepusene.

Maako 1:14

Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Maako 1:21

Jesu abashikwiiya bakwe bakashika mundabala ya Kapenaumu. Ndibwakashika bushiku bwakookesha bwa Cibelu, Jesu wakaya mucoonde ca baJuda akutalika kwiisha.

Maako 1:39

Aboobo wakeenda mucishi coonse ca Galili, kaaya cishimikila mushoonde sha baJuda akukusha bashikaswa.

Maako 3:10

Mukwiinga bakanyumfwa ayi Jesu wakashilika baanji, boonse balwashi bakalinga kuya cilimbana kuli nguwe kwaamba ayi mpashi inga bamukumya akuba kabotu.

Maako 6:2

Ndibwakashika bushiku bwakookesha bwa Cibelu, wakatalika kwiisha mucoonde ca baJuda. Bantu baanji bakanyumfwa kwiisha kwakwe bakakankamana akutalika kwiipushanya ayi, “Ino uyu muntu wakakusha kuli ishi shoonse? Mbusongonshi ubu mbwaacite? Ulacikonsha buyani kucita shaankamiko sha mushobo uyu?

Maako 6:6

Jesu wakakankamana ndyaakabona kubula lushomo kwa bantu aba. Lyalo wakaya mumishi yoonse yakalinga kushingulukite, kuya bwiisha bantu.

Luka 10:9

Mukashilike balwashi mundabala iyo alimwi akubaambila bantu uko ayi, ‘Bweene bwakwe Lesa bwasena pafwaafwi amwebo.’

Luka 13:10

Pabushiku bumwi bwakookesha bwa Cibelu, Jesu wakalinga kwiisha mucoonde ca baJuda.

Luka 16:16

“Milawo yakwe Mose amaswi akalemba balaluki bakulukulu akalinga kukonkelwa kushikila ciindi cakwe Joni Mubombeki. Kuswa paciindi ico Makani Abotu a Bweene bwakwe Lesa alashimikilwa, alimwi bantu baanji batokweelesha cankusu kwaamba ayi benjile muBweene ubo.

Luka 20:1

Bumwi bushiku Jesu ndyaakalinga kwiisha akushimikila Makani Abotu muŊanda yakwe Lesa, bamatanjilili ba bapailishi, bafundishi ba Milawo alimwi abamaloba ba baJuda bakaya kuli nguwe

Luka 4:14

Jesu wakaboolela kuGalili Mushimu Usalashi kauli anguwe. Wakaya mpuwo mucishi coonse cilya.

Luka 5:17

Bushiku bumwi Jesu ndyaakalinga kwiisha, baFalisi abafundishi ba Milawo bamwi bakalingaawo abalo apo. Bantu abo bakaswa mumishi yoonse ya kuGalili, kuJudeya alimwi akuJelusalemu. Nkusu shakwe Lesa shakushilika shakalinga muli Jesu.

Luka 6:17

Jesu ndyaakakunkuluka pakalundu pantu pomwi abatumwi, wakeemikana paselebete. Pakalinga likoto linene lya bashikwiiya bakwe alimwi alikoto linene lya bantu bakaswa kumbasu shoonse sha kuJudeya akuJelusalemu. Bamwi bakaswa kumandabala anene a Taya aSidoni, akalinga muloombe lwa lweenge.

Luka 6:6

Pabushiku bumwi bwakookesha bwa Cibelu, Jesu wakenjila mucoonde ca baJuda mukwiisha. Mucoonde umo mwakalinga musankwa wakalinga kuyuminite lyaansa lyalulyo.

Luka 7:21

Paciindi ceenka ico Jesu wakashilika bantu baanji kumalwashi apusenepusene, kumapensho, kukusha bashikaswa alimwi wakabonya boofu baanji.

Luka 7:22

Lyalo Jesu wakakumbula bashikwiiya bakwe Joni ayi, “Kamuya mukalwiite Joni shoonse nshimwabona akunyumfwa, boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu mumushimu batooshimikilwa Makani Abotu.

Luka 8:1

Kuswawaawo Jesu wakeenda mumandabala amumishi, kaaya cishimikila Makani Abotu a Bweene bwakwe Lesa. Wakalinga abashikwiiya bali likumi abobilo

Luka 9:11

Bantu baanji baanji ndibakanyumfwa bakamukonkela uko nkwaakaya. Jesu wakabatambula, akubaambila shaBweene bwakwe Lesa, akushilika baabo bakalinga kusuni kuba kabotu.

Luka 9:60

Jesu wakakumbula ayi, “Leka bafu bafukile bafunyinaabo, sombi webo koya ukashimikile shaBweene bwakwe Lesa.”

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Joni 6:59

Jesu wakaamba makani aya ndyaakalinga kwiisha mucoonde ca baJuda kuKapenaumu.

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 18:4

Lyoonse pabushiku bwakookesha bwa Cibelu, Paulo wakalinga kubandika cankusu abantu mushoonde sha baJuda kwaamba ayi mpashi baJuda abaGiliki inga bashoma Makani Abotu.

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Milimo ya Batumwi 28:31

Wakalinga kushimikila makani a paBweene bwakwe Lesa akwiisha shapaMwaami Jesu Klistu cakubula boowa alimwi taaku muntu nabi womwi wakamukasha.

Bene Loma 10:15

Inga bashimikila buyani na Lesa wabula kubatuma. Bweenka bwaamba Malembo akwe Lesa ayi, “Cilabota abuumbi na besa beshikushimikila Makani Abotu.”