Mateyo 4:17 - Baibo Busansulushi Bwa Libuku Ili

¹⁷ Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Mateyo 4:17 Marejeleo ya Msalaba

Mateyo 10:7

Kamuya mukashimikile ayi, ‘Bweene bwa kwiculu buli pafwaafwi.’

Mateyo 11:12

Kuswa kuciindi cakwe Joni Mubombeki, kushikila sunu, Bweene bwa kwiculu bwashika cankusu, abalo beshishitaala batokweelesha kubutola mushitaala.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Mateyo 13:24

Jesu wakabaambila acimwi cikoshanyo ayi, “Bweene bwa kwiculu buli anga ngumuntu wakashanga mbuto ibotu ya maila mumuunda wakwe.

Mateyo 13:47

“Bweene bwa kwiculu bulikoshenye akoombe kawaalwa mulweenge, akucata nswi shipusenepusene.

Mateyo 13:9

Lyalo Jesu wakabaambila ayi, “Uyo ucite matwi aanyumfwe!”

Mateyo 25:1

“Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 6:10

Abwise Bweene bwanu, kuyanda kwanu akucitwe panshi pano bweenka mbuli kwiculu.

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 15:7

Ntoomulwiita ayi akwalo kwiculu kulaba kusekelela bweenka ubo pamucita shibi womwi na wasanduka kuswa kushibiibi, kwiinda pabantu bali 99 baluleme batayandiki kusanduka.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 3:23

Jesu wakatalika ncito yakwe kaayanda kukwanisha myaaka ili makumi otatwe. Wakalinga ngumwanaakwe Josefu mbuli mbobakalinga kuyeeya bantu. Josefu wakalinga mwanaakwe Eli,

Luka 5:32

Nshikwe kwisa mukwiita baluleme, sombi bamucita shibi kwaamba ayi basanduke kuswa kushibiibi shabo.”

Luka 9:2

Lyalo Jesu wakabatuma mukushimikila shaBweene bwakwe Lesa akushilika balwashi.

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Milimo ya Batumwi 2:38

Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Ebulu 6:1

Ono anu atuye kunembo mumakani eelete bamanene mulushomo. Tuteelilwibo kunokwaamba pasheesho nshemwakataanguna kwiiya shapali Klistu. Tatweelete kwiiya alimwi shakusanduka kuswa kushintu shitacite ncito alimwi ambweenga twashoma muli Lesa,