Mateyo 4:10 - Baibo Busansulushi Bwa Libuku Ili

¹⁰ Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Mateyo 4:10 Marejeleo ya Msalaba

1 Makani 21:1

Satana wakalinga kusuni kuleta mapensho pabene Isilaeli, aboobo wakalengesha Defedi kwaamba ayi abelenge bantu.

Jobo 1:12

Mpeeke Mwaami Lesa wakaambila Satana ayi, “Ncibotu, buboni bwakwe boonse ndabubika mumaansaako, sombi lakwe mwiine kuteelesha kumukumya.” Mpomunyaawo Satana wakaswaawo pameenso a Mwaami Lesa.

Jobo 1:6

Bumwi bushiku baanjelo ndibakesa mukulitondesha pameenso a Mwaami Lesa, alakwe Satana wakesaabo.

Jobo 2:1

Bumwi bushiku baanjelo ndibakesa mukulitondesha pameenso a Mwaami Lesa alimwi, alakwe Satana wakesaabo.

Kulumbaisha 109:6

Amusale muntu mubiibi kwaamba ayi oomboloshe mulwani wangu. Amulengeshe umwi pakati ka balwani bakwe ayi amupe mulandu.

Kulonga 23:25

Na munoonambila neMwaami Lesa, Lesa wanu, ndaakumupa coolwe ca shakulya aca maanshi alimwi ndaakukusha malwashi oonse pali ndimwe.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Maako 1:13

umo mwaakekala nshiku makumi one kaasunkwa aSatana. Wakekala muluyanga mwikala banyama, lyalo baanjelo bakamutabatila.

Luka 10:18

Jesu wakabakumbula ayi, “Ndakamubona Satana kaaloka kuswa kwiculu mbuli kubeka kwa mfula.

Luka 11:18

Ino na Satana lakwe watalika kulilwana, sa inga buleelo bwakwe bwayuma? Sobwe! Mukwiinga mwebo mulaamba ayi, nguBilusebulu umpa nkusu shakukusha bashikaswa.

Luka 13:16

Ino uyu mwanakashi wa mulishalane lyakwe Abulaamu uyo Satana ngwaakaanga myaaka likumi ayosanwe alimwi ayotatwe, sa teelete kwaangululwa pabushiku bwakookesha?”

Luka 22:3

Lyalo Satana wakenjila muli Judasi, wiitwa ayi Isikalyoti, uyo wakalinga womwi wa bashikwiiya bali likumi abobilo.

Luka 22:31

“Simoni, Simoni, nyumfwa! Satana wasuminishikwa kumusunka bweenka mbuli mulimi mbwaapupulusha maila.

Luka 4:8

Sombi Jesu wakamukumbula ayi, “Cililembetwe muMalembo akwe Lesa ayi, ‘Ulyeelete kulambila Mwaami Lesa wako alimwi akusebenselabo nguwe.’ ”

Joni 13:27

Ingayi Judasi atambulebo shinkwa uyo, Satana wakamwinjila. Mpeeke Jesu wakamwaambila ayi, “Ico ncootooyanda kucita, cicite kufwambaana.”

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

1 Bene Kolinto 5:5

mukaabe musankwa uyo kunkusu shakwe Satana kwaamba ayi mubili wakwe unyonyoolwe. Lyalo muuya wakwe ndyeshi ukapulushikwe pabushiku bwakwisa Mwaami Jesu.

1 Bene Kolinto 7:5

Tamweelete kukakilana, sombibo na mwasuminishanya kwiimikana kwaciindi ciniini kwaamba ayi mubebo aciindi cakupaila. Camanabo ciindi cakupaila mulyeelete kutalika kukumana alimwi kwaamba ayi Satana atamusunki ceebo cakwaalilwa kulicata.

2 Bene Kolinto 11:14

Anu tacikankamanishi mukwiinga alakwe Satana ulalisandula kuboneka anga ngumunjelo wa mumuni.

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

2 Bene Kolinto 2:11

Tulishi bucenjeshi bwakwe Satana alimwi tatusuni kwaamba ayi atwiinde kumaano.

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Jemusi 4:7

Ono aboobo amulibombye kuli Lesa. Amupikishe Mubiibi, lyalo ulaakumutalamuka.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

1 Pita 5:9

Amutolelele kushoma cankusu akukaka Mubiibi mukwiinga mulishi ayi bashominyinaanu mucishi coonse ca panshi batoopenshekwa mbomunya ubo.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”