Mateyo 3:8 - Baibo Busansulushi Bwa Libuku Ili

⁸ Amucite ncito shibotu shitondesha ayi mwasanduka kuswa kushibiibi shanu.

Mateyo 3:8 Marejeleo ya Msalaba

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Jelemiya 36:3

Mpashi bene Juda baakunyumfwa shamapensho oonse ayo ngoontooyeeyela kubaletela, inga basanduka kuswa kunshila shabo shibiibi. Na bakacite boobo, ndyeshi nkabalekelele bubi bwabo alimwi ashibiibi shabo.”

Mateyo 21:32

Mukwiinga Joni Mubombeki wakesa mukumutondesha nshila ya bululami, ono mwebo tamukwe kumushoma. Basonkenshi abafuule bakamushoma, sombi mwebo nabi ndimwakabona boobo, tamukwe kusanduka kuswa kushibiibi shanu akumushoma.”

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.