Mateyo 3:11 - Baibo Busansulushi Bwa Libuku Ili

¹¹ Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Mateyo 3:11 Marejeleo ya Msalaba

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Mateyo 3:6

Ndibakamana kulyaambilila shibiibi shabo, wakababombeka muMulonga wa Joodani.

Maako 1:4

Paceebo ceeco, Joni wakesa kulubasu lwa luyanga kaabombeka akushimikila ayi, “Amusanduke kuswa kushibiibi shanu, mubombekwe nkwaamba ayi Lesa amulekelele shibiibi shanu.”

Luka 1:17

Joni ulaakuya kunembo lya Mwaami alimwi ulaakunoocite nkusu mbuli shakalinga kucite mulaluki mukulukulu Elija. Ulaakuleta lunyumfwano pakati ka baana abamaishiwabo alimwi. Ulaakusandula bantu batanyumfwi kwaamba ayi babe amiyeeyo mbuli ya baluleme. Ulaakubamba bantu bakwe Lesa ayi banoolibambite kumusebensela.”

Luka 3:16

Lyalo Joni wakabaambila boonse ayi, “Nebo ntoomubombeka amaanshi, sombi uyo utoosa uleendaawo nkusu pali ndime cakwaamba ayi nsheelete akwaangulula nsapato shakwe. Uyo lakwe ulaakumubombeka aMushimu Usalashi alimwi amulilo.

Luka 3:3

Mpeeke wakaya cishimikila mumishi yoonse yakalinga kushingulukite Mulonga wa Joodani, kaabaambila ayi, “Amusanduke kuswa kushibiibi shanu mubombekwe ayi Lesa amulekelele shibiibi shanu.”

Joni 1:15

Joni wakapa bukamboni pali nguwe akoolobesha ayi, “Ngowooyu uyo ngondakalinga kwaamba ayi, ‘Utoosa pesule lyangu uleendaawo nkusu pali ndime mukwiinga wakalingaako nebo kaantana kushalwa.’ ”

Joni 1:30

Uyu, ngowoolya ngondakalinga kwaamba ndindakaamba ayi, ‘Utoosa pesule lyangu uleendaawo nkusu pali ndime mukwiinga lakwe wakalingaako nebo kaantana kushalwa.’

Milimo ya Batumwi 1:5

Mukwiinga Joni wakalinga kubombeka amaanshi, sombi kapatana kwiinda nshiku shiinji mwebo mulaakubombekwa aMushimu Usalashi.”

Milimo ya Batumwi 19:4

Paulo wakaamba ayi, “Joni wakabombeka baabo bakalinga kusanduka kuswa kushibiibi shabo akubalwiita ayi balyeelete kushoma muli wooyo wakalinga kwisa pesule lyakwe, nkokwaamba ayi muli Jesu.”

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Milimo ya Batumwi 8:38

Mpeeke mweendeleshi wakaambila umwi ngwaakalingaakwe ayi eemike cikoci. Lyalo Filipo amweendeleshi bakenjila mumaanshi, mpomunyaawo Filipo wakamubombeka.

1 Bene Kolinto 12:13

Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”