Mateyo 28:6 - Baibo Busansulushi Bwa Libuku Ili

⁶ Taamo muno, wabushikwa bweenka mbuli mbwaakaamba. Kamwisa mubone mpwaakalinga kulete.

Mateyo 28:6 Marejeleo ya Msalaba

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Mateyo 17:23

abo beshi bakamucaaye, sombi ulaakubushikwa kuswa kubafu pabushiku bwatatu.” Ndibakanyumfwa boobo, bashikwiiya bakwe bakacatwa buumba.

Mateyo 17:9

Ndibakalinga kuseluka kuswa pakalundu, Jesu wakabaambila ayi, “Ishi nshemwabona mutakalwiiti muntu nabi womwi, kushikila MwanaaMuntu akabushikwe kuswa kubafu.”

Mateyo 20:19

akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Maako 16:6

Musankwa uyo wakabaambila ayi, “Mutaloondi. Ndishi kwaamba ayi mutooyandoola Jesu wa kuNasaleti, uyo ngobakapopa pamucilingano. Taamo muno, wabushikwa kale kuswa kubafu. Amubone, pamusena mpowaawa mpobakalinga bamooneka.

Maako 8:31

Mpomunyaawo Jesu wakatalika kwiisha bashikwiiya bakwe ayi, “MwanaaMuntu ulyeelete kupenshekwa abuumbi alimwi bamaloba, bamatanjilili ba bapailishi alimwi abafundishi ba Milawo balaakumukaka akumucaya. Sombi pabushiku bwatatu, ulaakubuka kuswa kubafu.”

Luka 24:12

Sombi lakwe Pita wakanyamuka akucicila kucuumbwe. Ndyaakasondelaamo wakabonabo shisani sheenka shakalinga kupombeletwemo mutuntu. Wakaboolela kuŋanda kaakankamene pacikani cakacitika.

Luka 24:23

Ono mubili wakwe tabakwe kuucanaamo. Ndibaboola baamba ayi babonabo baanjelo bakwe Lesa abo babalwiita ayi Jesu ngumuumi.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 10:17

“BaTa ncebansunini ncakwaamba ayi ndisuminite kwaaba buumi bwangu kwaamba ayi nkabaabo alimwi.

Joni 2:19

Jesu wakabakumbula ayi, “Amumwayulule Ŋanda yakwe Lesa iyi, nebo ndaakwiiyaka alimwi munshiku shotatwe.”

Milimo ya Batumwi 2:24

Sombi Lesa wakamwaangulula kushicisa sha lufu akumubusha kuswa kubafu ceebo tecakalinga kukonsheka ayi lufu inga lwamukoma.