3 Wakalinga kuboneka anga nkubeka kwa mfula, ashalo shakufwala shakwe shakalinga kutubabo tuu.
Mulasebensesha muuwo anga mbeshinkombe banu, mulilo ubilima anga mbobasebenshi banu.
“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.
Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.
Beshikulindilila kucuumbwe bakaloonda abuumbi cakwaamba ayi bakafwa citu.
Ndibakenjila mucuumbwe, bakabona musankwa kaashite kululyo lwabo, kaafwete cisani cituba. Mpeeke bakaloonda.
Mpeeke shakufwala shakwe shakatubabo tuu, cakwaamba ayi taaku muntu nabi womwi mucishi ca panshi weenga washitubya boobo.
Mpeeke wakabona baanjelo bobilo kabafwete shituba. Bakalinga kushiite pakalinga mutuntu wakwe Jesu, umwi kumitwi aumwi kumitandabilo.
Ono ndibakalinga kucilangilishisha kwiculu nkwaakalinga kuya, basankwa bobilo bakalinga kufwete shituba, bakesa mukwiimikana palubasu lwabo.
Kuswawaawo, ndakabona aumwi munjelo shinkusu kaaswa kwiculu. Wakalinga kupilite mulikumbi, kumutwi wakwe kwakalinga kushingulukite nkongolo. Ciwa cakwe cakalinga kubala anga ndisuba alimwi myeendo yakwe yakalinga anga njimyaalamyaala ya mulilo.
Kuswawaawo ndakabona munjelo umwi kaaswa kwiculu. Wakalinga kucite nkusu shiinji alimwi cishi coonse ca panshi cakabekabeka ceebo ca mumuni wakubala kwakwe.