Mateyo 28:2 - Baibo Busansulushi Bwa Libuku Ili

² Mpeeke kwakacitika citentanshi cinene ceebo munjelo wa Mwaami wakaseluka kuswa kwiculu wakunkulusha libwe lyakalinga kucuumbwe akwikalaawo.

Mateyo 28:2 Marejeleo ya Msalaba

Mateyo 27:60

akuubika mucuumbwe cakwe cipya ico ncaakakaba mulibwe. Kuswawaawo, wakakunkulushilawo libwe linene pamulyango wa cuumbwe, kaaya.

Mateyo 27:66

Mpeeke bakanyamuka akuya mukushinkashinka mweela libwe akushiyako beshikulindilila.

Joni 20:1

Macuunsacuunsa paSondo, kapacishiyabo, Maliya wa kuMagadala wakaya kucuumbwe akucana ayi libwe lyakunkulushikwaawo pamulyango.

Milimo ya Batumwi 16:26

Mpomunyaawo kwakaba citentanshi cinene ico cakatenkaanya alwiimbi lwa ntolongo. Mpeeke milyango yakacaluka ancetani shakaloka kuswa kubakaili.

Milimo ya Batumwi 5:19

Sombi mashiku, munjelo wa Mwaami Lesa wakesa mukucalula milyango ya muntolongo akubakusha. Wakabaambila ayi,

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.