Mateyo 27:4 - Baibo Busansulushi Bwa Libuku Ili

⁴ akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

Mateyo 27:4 Marejeleo ya Msalaba

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

Jobo 13:4

Ono mwebo mutoobotesha makani kwiinda mububeshi. Mwebo noonse mulibo bashiliki batakoonshi kushilika muntu.

Jobo 16:2

“Shintu sha mushobo uyu ndakashinyumfwaawo kale. Mwebo kuumbulusha kwanu kulibo anga ngamaswi a bucayi.

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

Kulonga 12:31

Alimwi pabushiku mbomunya ubo mashiku, mwaami Falawo wakeeta Mose aAloni akubaambila ayi, “Amuswe mucishi cangu. Mwebo alimwi abene Isilaeli boonse! Kamuya mukalambile Mwaami Lesa kweelana ambomwakasenga.

Kulonga 9:27

Mpomunyaawo mwaami Falawo wakeeta Mose aAloni akubaambila ayi, “Paciindi cino, ndabiisha. Mwaami Lesa uliluleme, sombi nebo abantu ba mucishi cangu tulilubite.

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Jona 1:14

Mpomunyaawo bakapaila kuMwaami Lesa ayi, “NoBaami baLesa, twaseenga mutatuleeki ayi tufwe mukwiinga twacaya muntu uyu utacite mulandu. Ceebo noBaami baLesa ndimwe mwalengesha ayi shoonse ishi shicitike.”

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Luka 23:22

Pilato wakabaambila lyatatu ayi, “Ono amundwiite, ncibiibinshi ncaacita? Nebo ndacana kwaamba ayi taaku cibiibi ncaakacita nceenga wafwitaawo. Paceebo ceeco ntoomukwipabo mwaangulule.”

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

Luka 23:47

Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”

Joni 19:7

Mpeeke balo bakamukumbula ayi, “Tulicite mulawo alimwi kweelana amulawo uyo, uyu muntu ulyeelete kufwa ceebo walinga kulibanda ayi nguMwanaakwe Lesa.”

Milimo ya Batumwi 13:28

Nakubi kwaamba ayi tabakwe kucanina Jesu cilubo cakumucailaawo, bakasenga kuli Pilato ayi acaikwe.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

1 Timoti 4:2

Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.

1 Samwelo 15:24

Mpomunyaawo Saulo wakaambila Samwelo ayi, “Ncakwiila ndabiisha. Ndasotoka shakaamba Mwaami Lesa alimwi amilasho yanu. Ndakaloonda bantu, aboobo ndakabanyumfwila.

1 Samwelo 15:30

Saulo wakakumbula ayi, “Ee, ndakabisha. Ono ndaseenga mumpeeko bulemu pameenso a bamaloba ba bantu bangu alimwi apameenso a bene Isilaeli boonse. Amuboolele anebo kwaamba ayi nkalambile Mwaami Lesa, Lesa wanu.”

1 Samwelo 19:5

Mubone ndyaakacaya mwine Filisiti ulya, pakalinga alufu lwaakwe mwiine. Ono Mwaami Lesa wakalengesha bene Isilaeli kukoma munshila ikankamika. Mwebo nobeene ndimwakabona kukoma uko mwakasangalala abuumbi. Ono nceebonshi mutooyanda kubisha kwiinda mukucaya Defedi utacite mulandu?”