Mateyo 27:27 - Baibo Busansulushi Bwa Libuku Ili

²⁷ Mpomunyaawo bashilumamba bakenjisha Jesu muŋanda ya mweendeleshi, akubunganya bashilumambanyinaabo bamwi boonse, besa bashinguluka Jesu.

Mateyo 27:27 Marejeleo ya Msalaba

Mateyo 26:3

Lyalo bamatanjilili ba bapailishi abamaloba ba baJuda bakabungana mulubansa lwa mupailishi munene Kayafasi.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Joni 18:3

Aboobo Judasi wakashika kumusena uko kaali alikoto lya bashilumamba abeshikulindilila kuŊanda yakwe Lesa, abo bakatumwa abamatanjilili ba bapailishi alimwi abaFalisi. Bakalinga kuyumwite malampi ashimunimweenge ashakulwanisha.

Joni 18:33

Pilato wakenjila alimwi muŋanda yakwe, weeta Jesu akumwiipusha ayi, “Sa ndiwe mwaami wa baJuda?”

Milimo ya Batumwi 10:1

KuSisaliya kwakalinga muntu umwi wiitwa ayi Konelyasi. Wakalinga munene wa bashilumamba mwaanda ba baLoma ba mulikoto lyakalinga kwiitwa ayi, “Likoto lya kuItali.”

Milimo ya Batumwi 23:35

wakaamba ayi, “Ntoonyumfwa mulandu wako na bese beshimulandunyoko.” Lyalo wakaambila bashilumamba ayi banoomulindilila mumaanda akayaka Elodi.

Milimo ya Batumwi 27:1

Ndicakasuminishikwa ayi tutooya abwaato bunene kuItali, Paulo abakaili bamwi bakabikwa mumaansa a mutanjilili wa bashilumamba wiitwa ayi Julyasi, wa mulikoto lya bashilumamba bene Loma lyakalinga kwiitwa ayi “Bashilumamba bakwe Sisa muleli munene wa kuLoma.”