Mateyo 27:2 - Baibo Busansulushi Bwa Libuku Ili

² Mpeeke Jesu bakamwaanga akumutola mumaansa akwe Pilato, mweendeleshi wa kuLoma.

Mateyo 27:2 Marejeleo ya Msalaba

Matalikilo 22:9

Ndibakashika apo Lesa mpaakamulwiita, Abulaamu wakayaka cipaililo akubambaawo nkuni. Wakaanga mwanaakwe akumubika pacipaililo, peculu lya nkuni.

Mateyo 20:19

akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 28:14

Ono na mweendeleshi anyumfwe makani aya, swebo tutoomulwiita kabotu kwaamba ayi mutapekwi mulandu.”

Luka 13:1

Paciindi ico bantu bamwi bakalingaawo bakalwiita Jesu shabene Galili abo Pilato mbwaakacaya akusenkanya bulowa bwabo pamilambu iyo njebakalinga kubenga.

Luka 20:20

Aboobo bakalinga kulindila ciindi ceelete kucata Jesu. Bakapa maali bantu bamwi ayi babece kushomeka akubatuma mukusunka Jesu mumiipusho kwaamba ayi aabwe mumaansa a nkuta ya mweendeleshi wa kuLoma.

Luka 23:1

Bantu boonse abo bakanyamuka, akutola Jesu kuli Pilato.

Luka 23:12

Kuswa bushiku ubo Elodi aPilato bakatalika kunyumfwana ceebo bakalinga kupatene.

Luka 3:1

Wakalinga mwaaka wa likumi ayosanwe Tibelyasi kaali Sisa, muleli munene wa kuLoma, Pontyasi Pilato paciindi ici wakalinga ngomuleli wa cishi ca Judeya. Elodi wakalinga ngomuleli wa cishi ca Galili alakwe Filipo, mukwabo Elodi, wakalinga kweendelesha cishi ca Ituliya aTilakonitisi. Lisaniya wakalinga ngomuleli wa cishi ca Abilini.

Joni 18:12

Likoto lya bashilumamba, mutanjilili wabo alimwi abeshikulindila Ŋanda yakwe Lesa bakacata Jesu akumwaanga.

Joni 18:24

Lyalo Anasi wakamutumya kaangitwebo kuli Kayafasi, mupailishi munene.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Milimo ya Batumwi 12:6

Ono mashiku pabushiku Elodi mbwaakalinga kuyeeya ayi macuunsa akamoomboloshe, Pita wakalinga kulete pakati kabashilumamba bakalinga kumulama. Wakalinga kwaangitwe ncetani shobilo, imwi kayaangitwe kushilumamba womwi kulubasu lumwi aimwi kushilumamba umwi. Kwakalinga abashilumamba bamwi pamulyango wa ntolongo.

Milimo ya Batumwi 21:33

Mpomunyaawo mutanjilili munene wa bashilumamba wakaya kuli Paulo akumucata. Mpeeke wakaambila bashilumamba bakwe bamwi ayi bamwaange ncetani shobilo. Lyalo wakeepusha bantu ayi, “Ino musankwa uyu ngani alimwi nciinshi ncaacita?”

Milimo ya Batumwi 22:25

Sombi ndibakamwaanga ayi akwiipwe, Paulo wakeepusha mutanjilili wa bashilumamba mwaanda wakalinga kwiimfwi pafwaafwi ayi, “Sa mulawo ulasuminisha kukwiipa mwine Loma kamutana kumoombolosha akumucanina mulandu?”

Milimo ya Batumwi 22:29

Paciindi ceenka ico bashilumamba abo bakalinga kusuni kumwiipusha bakasoonoka. Alakwe mutanjilili munene wakaloonda ndyaakeebaluka ayi wakapingula Paulo mwine Loma kwaangwa ncetani.

Milimo ya Batumwi 24:27

Ndipakeenda myaaka yobilo, Poshasi Fesitasi wakapyana Felekisi pabweendeleshi bwa cishi. Ono mukwiinga Felekisi wakalinga kusuni ayi baJuda bamusuune, wakashiya Paulo muntolongo.

Milimo ya Batumwi 28:20

Anu nceceeco ncendamwiitila kwaamba ayi ŋambaanu. Nebo ndyaangitwe ceebo ca wooyo ngobatoolangila bene Isilaeli.”

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

Milimo ya Batumwi 9:2

mukusenga makalata akumusuminisha kuya kushoonde sha baJuda kuDamasikasi. Wakalinga kusuni ayi na akacaneko bantu bakonkela kwiisha kwa Mwaami Jesu, banakashi nabi basankwa, akabaange akubatola kuJelusalemu.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

Bene Ebulu 13:3

Kamuyeeya bali muntolongo, akunoobona anga amwebo muli muntolongo ambabo. Kamuyeeya batoopenshekwa akunoobona anga amwebo mutoopenshekwa bweenka mbuli mbabo.

Boomboloshi 15:12

Lyalo bakamwaambila ayi, “Twesa mukukwaanga kwaamba ayi tukutole kubene Filisiti.” Samusoni wakabaambila ayi, “Amushomeshe cakulumbila kwaamba ayi teshi ndimwe mweshi muncaaye.”