Mateyo 27:19 - Baibo Busansulushi Bwa Libuku Ili

¹⁹ Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Mateyo 27:19 Marejeleo ya Msalaba

Matalikilo 31:11

Munjelo wakwe Lesa wakabandika anebo muciloto akwaamba ayi, ‘Jakobo!’ Lyalo ndakakumbula ayi, ‘Nkambo.’

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Matalikilo 31:29

Ndicite nkusu shakukucisa, sombi Lesabo wa baiso ngowancenjesha mashiku ainda ayi ntakulengeshi boowa munshila ili yoonse.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 2:19

Ono Elodi ndyaakafwa, munjelo wa Mwaami Lesa wakaboneka kuli Josefu kaacili kuIjipiti muciloto,

Mateyo 2:22

Sombi ndyaakalinga kuya munshila, wakanyumfwa ayi Akelosi ngowakekala pacuuna cakwe ishi kuba mwaami mucishi ca Judeya. Paceebo ceeco Josefu wakaloonda kushika, wakaya kuGalili kweelana ambwaakacenjeshekwa alimwi muciloto.

Mateyo 27:18

Mukwiinga Pilato wakalinga kwishi ayi bakatola Jesu kuli nguwe ceebo bakamufwita munyono.

Mateyo 27:24

Ono Pilato ndyaakabona ayi taaku nceshi cicitike, alimwi ayi inga paakuba shimfulunganya, wakabwesa maanshi akusamba kumaansa pameenso a bantu boonse akwaamba ayi, “Nebo nshicite mulandu palufu lwa muntu uyu! Ngumulandu wanu nobeene!”

Mateyo 27:4

akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

Luka 23:47

Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”

Joni 19:13

Pilato ndyaakanyumfwa makani aya, wakakusha Jesu pansengwe akwikala pacuuna ca boomboloshi pamusena wakalinga kwiitwa ayi, “Lubansa lwa mabwe.” (MuciEbulu balaamba ayi, “Gabata.”)

Milimo ya Batumwi 12:21

Pabushiku Elodi mbwaakasala mwiine, wakafwala shakufwala sha bwaami akwikala pacuuna cakwe ca bwaami. Lyalo wakatalika kubaambila bantu abo.

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Milimo ya Batumwi 18:16

Mpomunyaawo wakaambila bashilumamba ayi babatande munkuta.

Milimo ya Batumwi 18:17

Lyalo boonse bakacata musankwa wiitwa ayi Sositenesi uyo wakalinga mutanjilili wa coonde ca baJuda akumuuma kunembo lya nkuta, sombi Galiyo taakwe kulisukama napaceyi.

Milimo ya Batumwi 25:10

Paulo wakakumbula ayi, “Nebo ndisuni kwaamba ayi Sisa muleli munene wa kuLoma aŋomboloshe. Taaku ncendakabishisha baJuda, kweelana ambomwishi mwebo nobeene.

Milimo ya Batumwi 25:17

Ndibakesa kokuno, nshikwe kusowa ciindi, bushiku bwakaboolaawo ndakenjila munkuta akutuma bashilumamba ayi balete Paulo.

Milimo ya Batumwi 25:6

Mpomunyaawo Fesitasi wakekalaabo nshiku shili shosanwe ashotatwe nabi likumi, lyalo wakaboolela kuSisaliya. Pabushiku bwakaboolaawo, wakenjila munkuta akwaambila bamwi ayi balete Paulo.

1 Pita 2:22

Lakwe taakwe kucitawo cibiibi nabi kubecaawo.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.