Mateyo 27:15 - Baibo Busansulushi Bwa Libuku Ili

¹⁵ Paciindi cakusekelela bushiku bwa Pasika bwakwiibaluka kusotokela, mweendeleshi lyoonse wakalinga kwaangulula kaili womwi, uli woonse ngweenga bamusenga bantu.

Mateyo 27:15 Marejeleo ya Msalaba

Mateyo 26:5

Bakaamba ayi, “Tatweelete kumucata pabushiku ubu bwakusekelela mukwiinga inga pacitika shimfulunganya pabantu beshi bakanooliiwo.”

Mateyo 27:16

Paciindi ico kwakalinga kaili umwi wakalinga kucite mpuwo ibiibi, wiitwa ayi Balabasi.

Luka 23:16

Paceebo ceeco ntoomukwipabo akumwaangulula.” [

Luka 23:17

Ono Pilato lyoonse wakalinga kubaangulwita kaili womwi pabushiku bwa Pasika bwakwiibaluka kusotokela.]

Luka 23:18

Sombi boonse bakoolobesha pantu pomwi ayi, “Acaikwe muntu uyu! Amutwaangulwite Balabasi!”

Joni 18:16

Sombi Pita wakacaala pansengwe kaaimfwi pamulyango. Lyalo shikwiiya umwi uyo wakaboolela pansengwe akwaamba amwanakashi musebenshi uyo wakalinga pamulyango, ayi asuminishe Pita kwinjila mukati. Mpeeke wakamusuminisha.

Joni 19:16

Mpomunyaawo Pilato wakabika Jesu mumaansaabo kwaamba ayi bakamupoope pamucilingano. Paceebo ceeco bashilumamba bakatola Jesu.

Milimo ya Batumwi 24:27

Ndipakeenda myaaka yobilo, Poshasi Fesitasi wakapyana Felekisi pabweendeleshi bwa cishi. Ono mukwiinga Felekisi wakalinga kusuni ayi baJuda bamusuune, wakashiya Paulo muntolongo.

Milimo ya Batumwi 25:9

Fesitasi wakalinga kusuni ayi baJuda bamusuune, aboobo wakeepusha Paulo ayi, “Sa ulisuminite kutolwa kuJelusalemu kwaamba ayi nkakoombolosheshe nkuko?”