Mateyo 27:1 - Baibo Busansulushi Bwa Libuku Ili

¹ Ndibwakaca macuunsacuunsa, bamatanjilili ba bapailishi abamaloba ba baJuda bakapangana ayi bacaye Jesu.

Mateyo 27:1 Marejeleo ya Msalaba

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Kulumbaisha 71:10

Bulya balwani bangu batooyanda kuncaya. Balabandika pantu pomwi miyeeyo mukupinga ndime.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Luka 13:1

Paciindi ico bantu bamwi bakalingaawo bakalwiita Jesu shabene Galili abo Pilato mbwaakacaya akusenkanya bulowa bwabo pamilambu iyo njebakalinga kubenga.

Luka 22:66

Ndibwakaca, bamaloba ba baJuda, bamatanjilili ba bapailishi, abafundishi ba Milawo bakabungana. Mpeeke Jesu wakatolwa kuli mbabo.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Milimo ya Batumwi 5:21

Batumwi ndibakanyumfwa makani aya, bakenjila muŊanda yakwe Lesa akutalika kwiisha. Ono mupailishi munene abeshikumucafwa bakeeta bamaloba ba baJuda ayi babe alibungano lya nkuta. Lyalo bakatuma bantu kuntolongo mukuleta batumwi kwaamba ayi boomboloshekwe.

Boomboloshi 16:2

Mpomunyaawo bene Gasa bakaambilwa ayi, “Samusoni wesa, nkwaali.” Lyalo musena uyo bakaushinguluka kabalindilila mashiku oonse kumwinjililo unene wa ndabala. Mashiku bakamubelamina, kabayeeya ayi, “Tulaakumucaya macuunsa bwaakuca.”

1 Samwelo 19:11

Mashiku eenka ayo Saulo wakatuma bantu bakwe bamwi kuya mukulindilila kuŋanda yakwe Defedi, lyalo bwaakuca bakamucaaye. Sombi Mikali mukaakwe, wakacenjeshaako Defedi ayi, “Na mubule kuloboka sunu mashiku, mwebo ciilo mulaakunoofwite.”