Mateyo 26:75 - Baibo Busansulushi Bwa Libuku Ili

⁷⁵ Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.

Mateyo 26:75 Marejeleo ya Msalaba

Mateyo 10:33

Sombi uyo weenga wankaka pameenso a bantu, anebo ndaakumukaka kuli baTa bali kwiculu.

Mateyo 26:34

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila, utokwaamba mankanda otatwe ayi toonshi.”

Mateyo 26:74

Sombi Pita wakaalabo, wasansaawo amaanshi akutalika kulumbila ayi, “Lesa ulimbwene na ntokwaamba cakubeca. Uyu muntu nebo nshimwishiiwo.” Paciindi ceenka ico kombwe wakalila.

Joni 13:38

Jesu wakakumbula ayi, “Sa ncakwiila ulilibambite kwaaba buumi bwako ceebo ca ndime? Ntokwaambila calushinisho ayi kombwe kaatana kulila utokwaamba mankanda otatwe ayi toonshi.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

Bene Galatiya 6:1

Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.