Mateyo 26:64 - Baibo Busansulushi Bwa Libuku Ili

⁶⁴ Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Mateyo 26:64 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 22:44

‘Mwaami Lesa wakaambila Mwaami wangu ayi, Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.’

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 26:25

Mpomunyaawo alakwe Judasi shikumwaaba wakeepusha ayi, “Sa ndime, Nkambo?” Jesu wakamukumbula ayi, “Wacaamba omwiine.”

Mateyo 27:11

Mpeeke Jesu bakamwiimika kunembo lya mweendeleshi wa kuLoma uyo wakamwiipusha ayi, “Sa ndiwe mwaami wa baJuda?” Jesu wakamukumbula ayi, “Mwacaamba nobeene.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Maako 14:62

Jesu wakakumbula ayi, “Ee, ndime, alimwi noonse mulaakubona MwanaaMuntu kaashite kulyaansa lyalulyo lya baIshi Beshinkusu shoonse. Mulaakumubona keesa mumakumbi a kwiculu.”

Luka 21:27

Lyalo balaakubona MwanaaMuntu keesa mulikumbi ankusu alimwi abulemu bukankamika.

Luka 22:69

Sombi kuswa sunu MwanaaMuntu unanooshiite kulubasu lwalulyo lwakwe Lesa Shinkusu shoonse.”

Luka 22:70

Lyalo boonse bakeepusha ayi, “Sa nkokwaamba ayi ndiwe Mwanaakwe Lesa?” Alakwe wakakumbula ayi, “Mwacaamba nobeene.”

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Milimo ya Batumwi 1:11

Basankwa abo bakabaambila ayi, “Mwebo nobene Galili, ceebonshi mweemikana paapo akulanga kwiculu? Uyu Jesu watolwa kwiculu kuswa kuli ndimwe, ulaakuboola alimwi bweenka mbuli mbomwamubona kaaya.”

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.