Mateyo 26:61 - Baibo Busansulushi Bwa Libuku Ili

⁶¹ akwaamba ayi, “Uyu muntu wakaamba ayi, ‘Nebo, ndakonsha kumwaaya Ŋanda yakwe Lesa, akwiiyaka alimwi munshiku shotatwe.’ ”

Mateyo 26:61 Marejeleo ya Msalaba

Matalikilo 19:9

Sombi bakaamba ayi, “Swaako webo omuswamashi! Ndiwaani webo kutulwiita ncetweelete kucita? Swaako twiinde, na utoocita shitaala, nsheshi tucite kuli ndiwe, shitokwiinda nshitwalinga kusuni kucita pabasankwa abo.” Mpeeke bakashindika Loti akwisa ayi banyonyoole cisasa.

1 Baami 22:27

Muye mukabalwiite bamubike muntolongo akunoomupa shinkwa amaanshi kushikila ndaakuboola kaancili muumi.”

2 Baami 9:11

Jewu wakaboolela kubabye abo bakamwiipusha ayi, “Sa kuli kabotu? Anu muluya ulya walinga kuyandoolanshi?” Jewu wakakumbula ayi, “Ulya muntu mulimwishi ashalo nshaamba mulishishi.”

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 26:62

Lyalo mupailishi munene wakanyamuka akwiipusha Jesu ayi, “Sa teshi ukumbuleewo pamakani aya oonse ngobatokwaambila?”

Mateyo 26:71

Cilya Pita ncaakaamba ayi aswe mulubansa lwa ŋanda, aumwi mwanakashi musebenshi wakamubona, akutalika kulwiita baabo bakalingaawo ayi, “Alakwe muntu uyu wakalinga aJesu wa kuNasaleti.”

Mateyo 27:40

kabaamba ayi, “Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe. Ono na uli Mwanaakwe Lesa lipulushe tubone, useluke pamucilingano!”

Mateyo 27:5

Mpomunyaawo Judasi wakawaala maali alya panshi muŊanda yakwe Lesa, akuswa waya mukulyaangilila.

Maako 14:58

“Uyu muntu twakamunyumfwa kaamba ayi, ‘Nebo ndaakumwaya Ŋanda yakwe Lesa iyi yakayakwabo abantu alimwi munshiku shotatwe, ndaakuyaka imwi yeshi ikabule kuyakwa abantu.’ ”

Maako 15:29

Mpeeke bantu bakalinga kwiindilaako, bakalinga kupukumunabo mitwi akunoocobola Jesu kabaamba ayi, “Amubone! Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe.

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Joni 9:29

Tulishi kwaamba ayi Lesa wakalinga kwaamba aMose, sombi uyo muntu lakwe tatwishi ankwaaswa.”

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Milimo ya Batumwi 18:13

Lyalo bakaamba ayi, “Uyu musankwa utooyungoola bantu ayi banoolambila Lesa munshila ikashikwa amulawo wesu!”

Milimo ya Batumwi 22:22

Bantu bakalinga kukutika mbwaakalinga kwaamba kushikila ndyaakaamba shakuya kubaswamashi bakunsengwe. Lyalo bakatalika koolobesha ayi, “Atumucaaye! Teelete kuba muumi!”