Mateyo 26:55 - Baibo Busansulushi Bwa Libuku Ili

⁵⁵ Lyalo Jesu wakabaambila bantu baanji balya ayi, “Ino mweshitanshi amipeeni alimwi ankooli pakwisa mukuncata anga ndimwiipi? Nebo ndakalinga anu inshiku shiinji, kaamwiisha muŊanda yakwe Lesa, sombi tamukwe kuncataawo, sobwe.

Mateyo 26:55 Marejeleo ya Msalaba

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Mateyo 26:47

Jesu ndyaakalinga kucaamba, alakwe Judasi womwi wa bashikwiiya bakwe Jesu bali likumi abobilo wakashika. Wakesa abantu baanji baanji bakalinga kucite mipeeni ankooli. Bantu aba bakabatuma mbamatanjilili ba bapailishi alimwi abamaloba ba baJuda.

Maako 10:1

Jesu wakaswaako kuKapenaumu akuya kucishi ca Judeya kwitala lya Mulonga wa Joodani. Bantu baanji baanji bakabungana alimwi kuli nguwe. Alakwe wakatalika kubeeisha kweelana ambwaakalinga kushibite.

Maako 12:35

Jesu ndyaakalinga kwiisha muŊanda yakwe Lesa, wakeepusha ayi, “Ino bafundishi ba Milawo balaambilanshi ayi Usalitwe wakwe Lesa wakashalwa mulunyungu lwakwe Defedi?

Luka 19:47

Lyalo Jesu wakalinga kwiisha lyoonse muŊanda yakwe Lesa. Mpeeke bamatanjilili ba bapailishi, bafundishi ba Milawo abeendeleshi ba cishi bakatalika kuyandoola nshila yakumucailaamo.

Luka 20:1

Bumwi bushiku Jesu ndyaakalinga kwiisha akushimikila Makani Abotu muŊanda yakwe Lesa, bamatanjilili ba bapailishi, bafundishi ba Milawo alimwi abamaloba ba baJuda bakaya kuli nguwe

Luka 4:20

Mpomunyaawo wakacala libuku akulipa musebenshi wa mucoonde ca baJuda akwikala panshi. Mpeeke boonse bakalinga mucoonde bakamulangishisha.

Joni 7:14

Kusekelela ndikwakashika pakati napakati, Jesu wakaya kuŊanda yakwe Lesa akutalika kwiisha.

Joni 7:28

Mpomunyaawo Jesu kaaciisha muŊanda yakwe Lesa wakoolobesha ayi, “Ee, mulinshi! Ankondakaswa koonse mulishiiko. Sombi nshikwe kwisabo palwaangu, sobwe. Uyo wakantuma ulashomeka, ono mwebo tamumwishi.

Joni 8:2

Ono macuunsacuunsa wakaboolela kuŊanda yakwe Lesa akwinjila mukati. Bantu baanji bakayoboloka akubungana kuli nguwe, lyalo wakekala panshi akutalika kubeeisha.

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.