Mateyo 26:49 - Baibo Busansulushi Bwa Libuku Ili

⁴⁹ Judasi ndyaakashika, wakeendililabo kuya kuli Jesu akwaamba ayi, “Mwaboneka Nkambo!” Mpomunyaawo wakamufyonta.

Mateyo 26:49 Marejeleo ya Msalaba

Matalikilo 27:26

Lyalo baishi bakaamba ayi, “Sena pafwaafwi umfyoonte omwanaangu.”

2 Samwelo 20:9

Kuswawaawo Joabu wakaansha Amasa ayi, “Uli kabotu mukwabo?” Lyalo wakacata Amasa kundesu kwaamba ayi amufyoonte.

Tushimpi 27:6

Mubyo nabi wakucisa taaku mbocibetewo, sombi mulwani wako na wakufyonta, ucenjele!

Mateyo 23:7

Balisuni kwaanshikwa cabulemu mumishika alimwi akwiitwa ayi, ‘Bafundishi’.

Mateyo 23:8

Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Mateyo 26:25

Mpomunyaawo alakwe Judasi shikumwaaba wakeepusha ayi, “Sa ndime, Nkambo?” Jesu wakamukumbula ayi, “Wacaamba omwiine.”

Mateyo 26:48

Ono uyo shikwaaba Jesu wakalinga wabapa kale citondesho ayi, “Uyo ngweshi njeenkaanshe akufyonta mwishibe ayi ngonguwe, mumucate.”

Maako 15:18

Lyalo bakatalika kumwaansha anga nkumulemeka ayi, “Waboneka oMwaami wa baJuda!”

Luka 7:45

Webo tookwe kufyontaawo pakuŋansha, sombi lakwe kuswabo mbondeshita muŋanda taana kucilekaawo kufyonta shimpanta shangu.

Joni 19:3

Mpeeke bakaya kuli nguwe akumwaansha ayi, “Waboneka oMwaami wa baJuda!” Kuswawaawo bakamuuma mpaka.

Joni 4:31

Ico ciindi bashikwiiya bakwe bakalinga kukombelela Jesu ayi alye.

1 Bene Tesalonika 5:26

Mwaanshe bashominyineesu calusuno lwiine lwiine.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.