Mateyo 26:2 - Baibo Busansulushi Bwa Libuku Ili

² “Mulishi kwaamba ayi kwacaalabo nshiku shobilo ayi bushike bushiku bwa Pasika bwakwiibaluka kusotokela. Lyalo MwanaaMuntu ulaakwaabwa ayi apopwe pamucilingano.”

Mateyo 26:2 Marejeleo ya Msalaba

Kulonga 34:25

“Pakubenga munyama ayi ngumulambu kuli ndime, tamweelete kubenga shinkwa. Alimwi mutakeeleshi kushiyako cipansha ca nyama yakacaikwa pabushiku bwa Pasika bwakwiibaluka kusotokela nabi comwi ayi cikalikwe ciilo.

Mateyo 10:4

Simoni shikulwanina lwaanguluko alimwi aJudasi Isikalyoti uyo wakaaba Jesu.

Mateyo 17:22

Ono bashikwiiya ndibakalinga kubungene muGalili, Jesu wakabaambila ayi, “MwanaaMuntu ulaakwaabwa mumaansa abantu

Mateyo 27:4

akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

Luka 22:15

Lyalo Jesu wakabaambila ayi, “Ndakalinga kusuni amoyo wangu woonse, kwaamba ayi ndye cakulya ici ca bushiku bwa Pasika bwa kwiibaluka kusotokela, pantu pomwi amwebo kaantana kupenshekwa.

Joni 11:55

Mpomunyaawo bushiku bwa Pasika bwa kwiibaluka kusotokela ndibwakashika pafwaafwi, bantu baanji bakaswa mumishi akuya kuJelusalemu mukulisalasha kweelana ambobakalinga kushibite bushiku ubo kabutana kushikila.

Joni 12:1

Ndikwakacaala nshiku shosanwe abomwi kwaamba ayi bushiku bwa Pasika bwakwiibaluka kusotokela bushike, Jesu wakashika kuBetani kwakalinga kwikala Lasalo uyo ngwaakabusha kuswa kubafu.

Joni 18:2

Judasi alakwe, uyo wakaaba Jesu kubalwani wakalinga kwishiiko kumusena uyo ceebo liinji liinji Jesu abashikwiiya bakwe bakalinga kuyaako.

Joni 18:32

Shakacitika kweelana abwakaamba Jesu ndyaakaamba shalufu lwakwe.

Joni 2:13

Paciindi ico, bushiku bwa Pasika bwakwiibaluka kusotokela bwakalinga pafwaafwi, aboobo Jesu wakaya kuJelusalemu.