Mateyo 25:6 - Baibo Busansulushi Bwa Libuku Ili

⁶ “Ono pakati ka mashiku kwakanyumfwika maswi abantu bakalinga kuyobela ayi, ‘Ngooyo shibwiinga waashika! Amwise mukamutambule!’

Mateyo 25:6 Marejeleo ya Msalaba

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Amosi 4:12

“Ono bulya nobene Isilaeli, ntoomupa mulandu. Ono mukwiinga ntoocita boobo kuli ndimwe, amulibambile koomboloshekwa andime neLesa wanu.”

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Mateyo 24:44

Paceebo ceeco, amwebo mulyeelete kunolibambite lyoonse ceebo MwanaaMuntu ulaakwisa paciindi ncemutamwiingashite.

Mateyo 25:1

“Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 25:5

Ceebo shibwiinga wakacelwa kwisa, boonse bamyooye bakatalika kushinshila kushikila baya amutulo.

Mateyo 25:7

Mpeeke bamyooye boonse balya bakabuka, akutalika kubamba malampi abo.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Luka 12:46

Mwaami wa musebenshi uyo ulaakwisa pabushiku mbwaatengashite aciindi ncaateshi. Ulaakumupa mulandu akumuwaala kooko nkweshi kukanooli batashomeki.

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”