Mateyo 24:5 - Baibo Busansulushi Bwa Libuku Ili

⁵ Mukwiinga bantu baanji balaakwisa muliina lyangu akunokwaamba ayi, ‘Ndime wooyo Usalitwe wakwe Lesa,’ alimwi balaakucenjeeka bantu baanji.

Mateyo 24:5 Marejeleo ya Msalaba

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Jelemiya 23:21

Nebo nshikwe kutumaawo balaluki aba, nakubi boobo bakalitumabo beene beenka. Nshikwe kubandikaabo, nakubi boobo balo bakalaluka.

Jelemiya 23:25

“Ndanyumfwa balaluki nshebaamba abo balaluka shabubeshi muliina lyangu. Balaamba ayi, ‘Ndaloota! Ndaloota!’

Jelemiya 37:9

Ono nebo neMwaami Lesa ntoomucenjesha ayi, ‘Mutalicenjeeki mukuyeeya ayi bene Babiloni teshi bakese tubili mukwiinga balaakwisa cancinencine.

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Joni 5:43

Nebo ndakesa muliina lya baTa, nakubi boobo tamukwe kuntambula. Sombi umwi na akese muliina lyakwe mwiine, mulaakumutambula.

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 2:22

Ono mubeshi ngani? Ngooyo utasumini ayi Jesu ngoUsalitwe wakwe Lesa. Uyo ukaka Ishiwesu aMwaana ngoMulwani wakwe Klistu.

1 Joni 4:3

Sombi uyo woonse utasumini ayi Jesu wakesa mubuntu taacite Mushimu wakwe Lesa. Muntu wa mushobo wooyu ulicite mushimu uswa kuMulwani wakwe Klistu. Mwakanyumfwa ayi ulaakwisa alimwi bulya mwaali kale mucishi ca panshi.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.