Mateyo 24:19 - Baibo Busansulushi Bwa Libuku Ili

¹⁹ Mapensho kubanakashi beshi bakanooli pakati, abeshi bakanoocite baana bayamwa munshiku isho!

Mateyo 24:19 Marejeleo ya Msalaba

2 Samwelo 4:4

Ono alakwe Jonasani mwanaakwe Saulo wakalinga kucite mwaana musankwa uyo wakalinga mulema myeendo. Wakalinga kucitebo myaaka yosanwe paciindi cikani cakwaamba ayi Saulo aJonasani bacaikwa ndicakashika kuswa kuJesiliilu. Mpeeke shikumulela wakamubwesa ayi aloboke. Sombi ndyaakalinga kulibambila calubilolubilo ayi anyamuke, mwaana uyo wakaloka, lyalo wakalemana. Liina lyakwe wakalinga nguMefibosheti.

2 Baami 15:16

Bweenka Menaemu mbwaakeenda kuswa kuTesa wakanyonyoola ndabala ya Tapuwa abantu bakooko alimwi acishi coonse cishingulukite. Wakacita boobo mukwiinga bantu bakakaka kulyaaba mumaansaakwe. Wakapasoola banakashi bakalinga kucite mafumo.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Mateyo 21:16

Bakeepusha Jesu ayi, “Sa utoonyumfwa mbobatokwaamba banike aba?” Lakwe wakabakumbula ayi, “Ee, ndanyumfwa. Ono sa tamuna kubelengawo kale Malembo akwe Lesa akwaamba ayi, ‘Lesa wakabambila limwi ayi baana baniini alimwi abakateta bamulumbaishe.’ ”

Mateyo 24:18

Alakwe eshi akanooli mumuunda atakabooleli kuŋanda mukubwesa cakufwala ca peculu.

Mateyo 24:20

Kamupaila kwaamba ayi kucica kwanu kutakabi ciindi ca mupewo, nabi bushiku bwakookesha bwa Cibelu.

Luka 21:23

Mapensho kubanakashi beshi bakanooli pakati abeshi bakanoocite baana bayamwa munshiku isho. Mukwiinga mapensho anene alaakuba mucishi ca panshi alimwi bukali bwakwe Lesa bulaakuba pabantu aba bene Isilaeli.