Mateyo 24:14 - Baibo Busansulushi Bwa Libuku Ili

¹⁴ Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Mateyo 24:14 Marejeleo ya Msalaba

Esekelo 7:10

Bushiku bwashikila! Ndushinisho ciindi cashikila! Mapensho akomena abuumbi, shalunkutwe shitooya cishimpa akulisumpula kwasapula buluba.

Mateyo 10:7

Kamuya mukashimikile ayi, ‘Bweene bwa kwiculu buli pafwaafwi.’

Mateyo 18:19

“Ntoomulwiita alimwi ayi na bobilo pakati kanu pacishi ca panshi basuminishanya pacintu ncebatoosenga, baTa bali kwiculu balaakubacitila.

Mateyo 24:3

Jesu ndyaakalinga kushiite paKalundu ka Olifi, bashikwiiya bakwe bakaya kuli nguwe beenka akumwiipusha ayi, “Amutulwiite, ino shintu ishi shilaakucitika lili? Tulaakwishibila kunshi ayi ciindi cakwisa kwanu alimwi amamanino a cishi shashikila?”

Mateyo 24:6

Mulaakunyumfwa nkondo ampuuwo sha nkondo, sombi mwebo mutakalisukami. Ishi shilaakucitika, sombi teshi kwaamba ayi ngomamanino a cishi.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Mateyo 9:35

Jesu wakaya ceenda mumandabala oonse amumishi. Wakalinga kuya ciisha mushoonde sha baJuda akushimikila Makani Abotu a Bweene bwakwe Lesa alimwi akushilika malwashi apusenepusene.

Maako 13:10

Sombi citaanshi, Makani Abotu alyeelete kushimikilwa kumishobo yoonse ya bantu.

Luka 2:1

Munshiku isho Sisa Agasitasi, muleli munene wa kuLoma, wakabika mulawo wakwaamba ayi bantu boonse bali mubuleelo bwa Loma balembwe.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 4:5

Kuswawaawo Mubiibi uyo wakamutola peculu lya kalundu kalaamfu akumutondesha malelo oonse a mucishi ca panshi muciindi ciniinibo.

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

Milimo ya Batumwi 11:28

Lyalo umwi mulikoto lyabo wiitwa ayi Agabasi, wakeemikana akulaluka kwiinda munkusu sha Mushimu Usalashi ayi kulaakuba nsala inene mucishi coonse. (Ici cakacitika Kulodyasi ndyaakalinga Sisa muleli munene wa kuLoma.)

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Milimo ya Batumwi 17:6

Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene!

Milimo ya Batumwi 19:27

Nkokwaamba ayi mpashi bantu batootalika kwaamba shibiibi pancito yesu iyi. Teeshibo ncito yeenka, sombi ŋanda yakwe lesa wesu Atemisi taaku mbweshi ibeewo kubantu. Aboobo bulemu bwakwe lesa uyu butoonyonyooka, lesa uyo ngobalambila bantu ba muEsha acishi coonse!”

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Bene Ebulu 2:5

Lesa taakwe kubika baanjelo pabweendeleshi bwa cishi citoosa ico ncetutokwaambaawo.

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Ciyubululo 16:14

Aba mbobashikaswa bacita shaankamiko. Bashikaswa botatwe aba balaya kubamaami boonse ba mucishi ca panshi mukubayobolola kwaamba ayi bakalwaane pabushiku bunene bwakwe Lesa Shinkusu shoonse.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.