Mateyo 23:9 - Baibo Busansulushi Bwa Libuku Ili

⁹ Muteeti muntu pano pacishi ca panshi ayi, ‘Ta’ ceebo mulicitebo Ishiwanu womwi uyo uli kwiculu.

Mateyo 23:9 Marejeleo ya Msalaba

2 Baami 13:14

Mulaluki Elisha wakaciswa bulwashi bunene ubo bwakamucaya. Ndyaakalinga kufwa Jeowashi mwaami wa bene Isilaeli wakesa mukumubona. Ndyaakashika wakalila ayi, “Ta! Ta! Mwalinga beshikufuna bene Isilaeli beshinkusu!”

2 Baami 2:12

Elisha wakakabona, wakatalika kulila kuli Elija ayi, “Ta! Ta! Nobeshikufuna bene Isilaeli beshinkusu mwaya!” Lyalo taakwe kumubonaawo Elija alimwi. Mubuumba bwakwe Elisha wakakwamuna cakufwala cakwe ca peculu.

2 Baami 6:21

Mwaami wa bene Isilaeli ndyaakabona bene Silya, wakeepusha Elisha ayi, “Sa mbacaaye nkambo? Sa mbacaaye?”

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Mateyo 23:10

Muteetwi nabi ayi, ‘Mutanjilili’ ceebo Mutanjilili wanu ngomwi, eenkabo Usalitwe wakwe Lesa.

Mateyo 6:32

Mukwiinga ishi nsheshintu bakunsengwe nshebayandoola, sombi Ishiwanu wa kwiculu ulishi kwaamba ayi shoonse ishi mulishisuni.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Milimo ya Batumwi 22:1

“Nobamakwesu anobamashali bangu basankwa, munyumfwishishe mbweshi musansulwite ayi nshicite mulandu.”

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

2 Bene Kolinto 6:18

Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.