Mateyo 23:8 - Baibo Busansulushi Bwa Libuku Ili

⁸ Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Mateyo 23:8 Marejeleo ya Msalaba

Mateyo 10:25

Anu uyo utokwiiya ulyeelete kuba bweenka mbuli mufundishi wakwe, alakwe musebenshi ulyeelete kuba mbuli mwaami wakwe. Ino na mwine ŋanda uleetwa ayi Bilusebulu, balo bekala muŋanda umo balaakweela kuli meena kubica?

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 23:10

Muteetwi nabi ayi, ‘Mutanjilili’ ceebo Mutanjilili wanu ngomwi, eenkabo Usalitwe wakwe Lesa.

Mateyo 23:7

Balisuni kwaanshikwa cabulemu mumishika alimwi akwiitwa ayi, ‘Bafundishi’.

Mateyo 26:25

Mpomunyaawo alakwe Judasi shikumwaaba wakeepusha ayi, “Sa ndime, Nkambo?” Jesu wakamukumbula ayi, “Wacaamba omwiine.”

Mateyo 26:49

Judasi ndyaakashika, wakeendililabo kuya kuli Jesu akwaamba ayi, “Mwaboneka Nkambo!” Mpomunyaawo wakamufyonta.

Maako 10:51

Mpeeke Jesu wakamwiipusha ayi, “Nciinshi ncoosuni ayi nkucitile?” Alakwe moofu wakakumbula ayi, “Bafundishi, ndisuni kwaamba ayi ntalike kubona alimwi.”

Maako 11:21

Mpeeke Pita wakeebaluka cakacitika, lyalo wakaambila Jesu ayi, “Nkambo, amubone cisamu ca mukuyu cilya ncemwakashingana cayuma!”

Maako 14:45

Judasi ndyaakashika, wakeendililabo kuya kuli Jesu akwaamba ayi, “Mwaboneka Nkambo!” Mpomunyaawo wakamufyonta.

Maako 9:5

Ndyaakabona boobo, Pita wakaambila Jesu ayi, “Nkambo, cabota abuumbi kwaamba ayi tuli waano. Atuyake nkunka shotatwe, imwi ibe yanu, imwi yakwe Mose alimwi ayakwe Elija.”

Luka 22:32

Sombi ndakupailila kwaamba ayi lushomo lutamaani. Ono waakupilukila kuli ndime ukayumye babyo.”

Joni 1:38

Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.)

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 11:8

Sombi bashikwiiya bakwe bakakumbula ayi, “Bafundishi, ndyoonoonobo apa baJuda bakokulya kweenka ndibakalinga kusuni kumuuma mabwe, ono nkomutooyanda kuya alimwi?”

Joni 20:16

Mpomunyaawo Jesu wakaamba ayi, “Maliya!” Lyalo Maliya wakapiluluka akwaamba muciEbulu ayi, “Laboni!” (Nkokwaamba ayi “Mufundishi.”)

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 3:26

Mpeeke bakaya kuli Joni akumwaambila ayi, “Bafundishi, muntu ulya ngomwakalingaakwe petala lya Mulonga wa Joodani, ulya ngomwakaambaawo, alakwe sunu utoobombeka alimwi bantu baanji batooya kuli nguwe!”

Joni 4:31

Ico ciindi bashikwiiya bakwe bakalinga kukombelela Jesu ayi alye.

Joni 6:25

Lyalo bantu ndibakamucana kwitala limwi lya lweenge bakamwiipusha ayi, “Bafundishi, mwakesa lili kuno?”

Joni 9:2

Bashikwiiya bakwe bakamwiipusha ayi, “Bafundishi, ngani wakabisha kwaamba ayi musankwa uyu ashalwe kaali moofu? Sa ngumwiine na mbashali bakwe?”

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Bene Efeso 3:15

uko mukowa woonse wa kwiculu apacishi ca panshi nkookusha liina.

Filimoni 1:16

Ono bulya taabetebo musha, sombi uleenda pamusha, ngumukwanu usunikwi muli Klistu. Nebo ndimusuni abuumbi, sombi kuli ndiwe ulaakwiindaawo mukwiinga ngumusha wako alimwi ngumukwanu muMwaami Jesu.

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 22:9

Sombi lakwe wakaŋambila ayi, “Utaciti bobulya mukwiinga anebo ndi musebenshinyoko alimwi musebenshinyina bamakwanu balaluki pantu pomwi abaabo boonse bakonkela maswi ali mulibuku ili. Ulyeelete kulambila Lesa!”