Mateyo 23:5 - Baibo Busansulushi Bwa Libuku Ili

⁵ Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Mateyo 23:5 Marejeleo ya Msalaba

2 Baami 10:16

Jewu wakaamba ayi, “Kwesa anebo ubone mbuli mboontoosebensela Mwaami Lesa cankusu.” Lyalo bakaya boonse kuSamaliya.

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Bene Lefi 13:32

Mpomunyaawo mupailishi ulaakubona cilonda ico alimwi pabushiku bwasanu ashobilo. Ono na wacana ayi tacina kwiindaawo alimwi taamu booya bwacibobo, akutenjila bunene kwiindilila cikanda,

Mateyo 9:20

Ono umwi mwanakashi wakalinga kuciswa bulwashi bwa mukunko myaaka likumi ayobilo, wakesa kwisule lyakwe Jesu akucatabo kweela cisani cakwe.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Luka 20:47

Aba bantu mbobabwesa buboni bwa bamukalubinje banakashi akubeca kupaila mipailo ilaamfulaamfu kwaamba ayi bantu bababoone. Aba bantu ncakwiila Lesa ulaakuboombolosha cankusu.”

Joni 12:43

Bamaloba aba bakalinga kusuni kulumbaishikwa abantu kwiinda kulumbaishikwa aLesa.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

Dutolonomi 11:18

“Maswi angu aya aakale mumyoyo amumiyeeyo yanu. Amwaange maswi aya pamikono yanu alimwi mwaafwaale pankumo ayi nciibalusho.

Dutolonomi 22:12

“Kushakufwala shako, ukanootungilako masambaala kumakonko one oonse.

Dutolonomi 6:8

Amuyaange pamikono yanu alimwi mwiifwaale pankumo ayi nciibalusho.

Bene Filipi 1:15

Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”