Mateyo 23:35 - Baibo Busansulushi Bwa Libuku Ili

³⁵ Aboobo mulaakupekwa mulandu ceebo ca bantu baluleme boonse bakacaikwa, kutalikila kuli Abelo uyo muntu ululeme kushikila kuli Sekaliya mwanaakwe Belekiya, uyo ngomwakacaila muŋanda yakwe Lesa pakati ka Musena Usalalite alimwi acipaililo.

Mateyo 23:35 Marejeleo ya Msalaba

Matalikilo 4:8

Lyalo Kaini wakaambila mukwabo Abelo ayi, “Tiya mumuunda.” Kabacili mumuunda, Kaini wakabukila mukwabo akumucaya.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

Isaya 14:21

Akubambwe musena wakucailaako bana bakwe basankwa! Batoocaikwa ceebo ca shibiibi sha bamashali babo bakulukulu. Taaku nabi womwi pakati kabo weelete kulela cishi. Taaku weelete kususha cishi ca panshi amandabala akwe anene.”

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Jelemiya 26:23

Uliya bakamuleta kuswa kuIjipiti akumutola kumwaami Jeoiyakimu uyo wakamucaisha amupeeni akusowa mutuntu wakwe kushuumbwe sha bantu boonse.

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Sekaliya 1:1

Mumweenshi wasanu ayotatwe mumwaaka wabili wa bwaami bwakwe Dalyasi, maswi a Mwaami Lesa akesa kuli nebo neSekaliya mwanaakwe Belekiya mwishikulu wakwe Ido.

Shakubelenga 35:33

Mutabishi cishi ncemushiiteemo ceebo kucaya muntu kulabisha cishi. Cishi tacikoonshi kusalashikwa kweelana amulawo, sombibo na mucayi uyo alakwe wacaikwa.

Luka 11:51

kuswa kukucaikwa kwakwe Abelo kushikila kukucaikwa kwakwe Sekaliya, uyo wakacailwa pakati lya cipaililo alimwi aMusena Usalalite wa Ŋanda yakwe Lesa. Ee, ntoomulwiita ayi bantu ba cecino ciindi balaakupekwa mulandu pasheeshi shoonse!

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

Ciyubululo 18:24

Ndabala inene ya Babiloni yakapekwa mulandu ceebo ca bulowa bwa balaluki alimwi abwa bashomi boonse bwakacanika mumo. Ee, abulowa bwa bantu boonse bakacaikwa mucishi ca panshi.