Mateyo 23:34 - Baibo Busansulushi Bwa Libuku Ili

³⁴ Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Mateyo 23:34 Marejeleo ya Msalaba

2 Baami 21:10

Kwiinda mubasebenshi bakwe balaluki Mwaami Lesa wakaamba ayi,

2 Makani 24:21

Sombi bantu abo bakabukila Sekaliya. Lyalo mukutumwa kumwaami Joashi, bakamuuma mabwe mulubansa lwa Ŋanda yakwe Lesa akumucaya.

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Mateyo 23:31

Nkokwaamba ayi mulalyaanga nobeene ceebo mulasumina ayi muli baana ba baabo bakacaya balaluki bakulukulu.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Milimo ya Batumwi 11:27

Paciindi ici balaluki bamwi bakaswa kuJelusalemu kuya kuAntyoki.

Milimo ya Batumwi 12:2

Wakaambila shilumamba ayi acaye Jemusi mukwabo Joni amupeeni.

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

Milimo ya Batumwi 14:19

Lyalo kwakesa baJuda bamwi kuswa kuAntyoki mucishi ca Pisidya alimwi akuIkoniyamu. Bakayungoola bantu ayi banyumfwile mbabo akutalika kuuma Paulo mabwe. Kuswawaawo bakamukwelela pansengwe lya ndabala kabayeeya ayi wafwa.

Milimo ya Batumwi 15:32

Judasi aSailasi balo bakalinga mbalaluki, bakayumya bashomi amaswi aanji akakalika myoyo yabo.

Milimo ya Batumwi 5:40

Kuswawaawo, boomboloshi bakeeta batumwi akubenjisha mukati. Lyalo bakaambila beshikulindilila kuŊanda yakwe Lesa ayi babakwiipe akubaambila alimwi ayi batakacibooshiiwo kuya cilwiita bantu makani apali Jesu, mpeeke bakabaleka.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.