Mateyo 23:27 - Baibo Busansulushi Bwa Libuku Ili

²⁷ “Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Mateyo 23:27 Marejeleo ya Msalaba

Tushimpi 26:23

Bweenka nongo yakaboteshekwa asilifa uteshi wa makwebo, mbweeke ubo muntu waamba shibotu mumoyo kooyeeya bubi mbwaabete.

Shakubelenga 19:16

Na umwi pansengwe lya misumba, wakumya muntu wakacaikwa amupeeni, wakafwabo, cifuwa ca muntu nabi cuumbwe, alakwe teshi akanoosalalite kwanshiku shosanwe ashobilo.

Mateyo 23:28

Amwebo bweenka mbomubete. Mulaboneka anga muliluleme kubantu, sombi mukati muliswitebo shintu shabubeshi ashibiibi.

Luka 11:44

Mapensho kuli ndimwe ceebo muli anga nshuumbwe shitaboneki isho bantu nshibeendoobo cakuteshiba ayi mposhili.”

Milimo ya Batumwi 23:3

Lyalo Paulo wakamwaambila ayi, “Lesa ulaakukuuma, webo olubumbu lwakashingulwa abulongo butuba! Webo ncooshiitile kooko nkwaamba ayi uŋomboloshe kweelana aMilawo, ono alimwi utoosotoka Milawo kwiinda mukwaambila bantu ayi banguume!”

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.