Mateyo 23:26 - Baibo Busansulushi Bwa Libuku Ili

²⁶ Mwebo nobaFalisi boofu, amutaangune kusansha shili mukati munkomeshi, apalo pansengwe ndyeshi patube.

Mateyo 23:26 Marejeleo ya Msalaba

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Mateyo 12:33

“Ono kwaamba ayi mube ashisepo shibotu, mulyeelete kuba acisamu cibotu. Na mulicite cisamu cibiibi, mulaakuba ashisepo shibiibi. Ceebo cisamu cili coonse cileshibilwa kushisepo sha ncico.

Mateyo 14:8

Ono banyina ndibakamulwiita ncaaelete kusenga, wakaamba ayi, “Amumpe pano peenka mutwi wakwe Joni Mubombeki mumbale iselebete.”

Maako 7:4

Na baswa kumushika, tabali kabatana kusamba kumaansa ayi balisalashe. Mpoili aimwi milawo yakabeeisha bakulukulu iyo njebakonkela, mbuli bwakusansha nkomeshi amipika alimwi ashintu shoonse sha mukuba shakubikamo sha maanshi.)

Luka 11:39

Mpomunyaawo Mwaami Jesu wakamwaambila ayi, “Ono mwebo nobaFalisi mulasansha pansengwe lya nkomeshi ambale, sombi mumyoyo yanu muliswitebo bulyabi abubi.

Luka 6:45

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.