Mateyo 23:23 - Baibo Busansulushi Bwa Libuku Ili

²³ “Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulapa calikumi ca mbewu shinunkila kabotu alimwi ashakubika mucakulya, sombi mulasuula milawo inene yancinencine, mbuli kucita shiluleme kubantu, nkumbu alimwi akushomeka. Mwalinga kweelete kunooshicita, kamutasuuli shimwi isho.

Mateyo 23:23 Marejeleo ya Msalaba

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Isaya 28:25

Sobwe! Na wamanisha kweelanya bulongo, ulashangaamo mbewu mbuli sha bucisa. Ulashanga mbuto sha witi abale akushanga mbuto sha shili anga ngamaila shimwi mweela muunda.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Bene Lefi 27:30

“Pashintu shoonse shilimwa shili likumi, nacibi kwaamba ayi nshili anga ngamaila nabi shisepo, palyeelete kuswa comwi ca likumi cipekwa kuli ndime neMwaami Lesa.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Mateyo 12:7

Nemwalinga kwishi maswi akwe Lesa akwaamba ayi, ‘Ndisunishi nkumbu, kuteshi milambu,’ naakwiinga tamukwe kubekesha bantu batacite mulandu.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Luka 11:42

“Mapensho kuli ndimwe nobaFalisi! Mukwiinga mulapa kuli Lesa calikumi ca mbewu shinunkila kabotu ashimwi shilengesha kwaamba ayi cakulya cibote alimwi abucisa bwa mushobo uli woonse. Sombi tamuciti shintu shiluleme kubantu nabi kusuna Lesa. Ceebo shintu ishi mwalinga kweelete kunooshicita cakutasuula shimwi.

Luka 18:12

Ndalikasha kulya mankanda obilo munsondo alimwi pashintu likumi shoonse nsheenga ndacaana ndakushawo comwi akumupa, noBaami.’

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.