Mateyo 23:13 - Baibo Busansulushi Bwa Libuku Ili

¹³ “Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:13 Marejeleo ya Msalaba

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Mateyo 23:16

“Mapensho kuli ndimwe, nobamatanjilili boofu! Mwebo muleeisha ayi, ‘Na umwi muntu walumbila Ŋanda yakwe Lesa, ingayi taaku mbocibete. Sombi na umwi walumbila golodi ili muŋanda yakwe Lesa, uyo ulyeelete kucita ceeco ncaalumbila.’

Mateyo 23:23

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulapa calikumi ca mbewu shinunkila kabotu alimwi ashakubika mucakulya, sombi mulasuula milawo inene yancinencine, mbuli kucita shiluleme kubantu, nkumbu alimwi akushomeka. Mwalinga kweelete kunooshicita, kamutasuuli shimwi isho.

Mateyo 23:25

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulasansha pansengwe lya nkomeshi ambale, sombi mumyoyo yanu muliswitebo bulyabi akulisuna.

Mateyo 23:27

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Mateyo 23:29

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulayaka shuumbwe shibotu sha balaluki bakulukulu akubotesha shibumbwabumbwa sha bantu baluleme.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Luka 11:52

“Mapensho kuli ndimwe nobafundishi ba Milawo! Mwabwesa cakucalwisha kumulyango wa lushibo lwa lupulusho. Ceebo tamukwe kwinjila, aboobo mwakasha baabo balinga kuyanda kwinjila.”

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Joni 9:24

Bakamwiita lwabili musankwa uyo wakashalwa kaali moofu akumwaambila ayi, “Lemeka Lesa, waambe calushinisho mukwiinga swebo tulishi kwaamba ayi muntu uyo wakakushilika ngumucita shibi.”

Joni 9:34

Lyalo bakamukumbula ayi, “Webo wakashalwa akukula mushibiibi, ino inga watwiishanshi?” Mpomunyaawo bakamutanda mucoonde.

Milimo ya Batumwi 13:8

Sombi Elimasi muŋanga uyo (kweelana ambobakalinga kumwiita muciGiliki), wakalinga kupikisha Banabasi aSaulo ceebo wakalinga kusuni ayi mweendeleshi atashomi maswi akwe Lesa ngobakalinga kushimikila.

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Milimo ya Batumwi 5:40

Kuswawaawo, boomboloshi bakeeta batumwi akubenjisha mukati. Lyalo bakaambila beshikulindilila kuŊanda yakwe Lesa ayi babakwiipe akubaambila alimwi ayi batakacibooshiiwo kuya cilwiita bantu makani apali Jesu, mpeeke bakabaleka.

Milimo ya Batumwi 8:1

Pabushiku bweenka ubo, bene Klistu ba mundabala ya Jelusalemu bakatalika kupenshekwa abuumbi. Boonse bashomi, kukushakobo batumwi, bakapalanganina mumisena yoonse ya Judeya aSamaliya.

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.

2 Timoti 4:15

Awebo ulyeelete kucenjela amuntu uyo ceebo makani ayo ngootushimikila, wakaapikisha abuumbi.