Mateyo 23:12 - Baibo Busansulushi Bwa Libuku Ili

¹² Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.

Mateyo 23:12 Marejeleo ya Msalaba

Jobo 22:29

Lesa ulabombya balisumpula alimwi akupulusha balibombya.

Kulumbaisha 138:6

NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.

Tushimpi 15:33

Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Mateyo 18:4

Aboobo uyo woonse ulibombya mbuli mwanike muniini uyu, ngomunene muBweene bwa kwiculu.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

1 Pita 5:6

Aboobo amuliceeshe pameenso akwe Lesa shinkusu kwaamba ayi akamusumpule paciindi ceelete.