Mateyo 22:33 - Baibo Busansulushi Bwa Libuku Ili

³³ Mpeeke bantu baanji baanji abo bakalingaawo ndibakanyumfwa kwiisha kwakwe, bakakankamana abuumbi.

Mateyo 22:33 Marejeleo ya Msalaba

Joni 7:46

Balo bakakumbula ayi, “Tatuna kubonaawo kale muntu waamba mbuli woolya, sobwe.”

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Luka 2:47

Bantu boonse bakakankamana ndibakanyumfwa kukumbula kwakwe kwabusongo.

Maako 12:17

Lyalo Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.” Mpeeke bakakankamana ndibakanyumfwa kukumbula kwakwe.

Maako 6:2

Ndibwakashika bushiku bwakookesha bwa Cibelu, wakatalika kwiisha mucoonde ca baJuda. Bantu baanji bakanyumfwa kwiisha kwakwe bakakankamana akutalika kwiipushanya ayi, “Ino uyu muntu wakakusha kuli ishi shoonse? Mbusongonshi ubu mbwaacite? Ulacikonsha buyani kucita shaankamiko sha mushobo uyu?

Mateyo 22:22

Ndibakanyumfwa boobo, bakakankamana. Lyalo bakaswaawo bamushiya.