Mateyo 22:29 - Baibo Busansulushi Bwa Libuku Ili

²⁹ Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe.

Mateyo 22:29 Marejeleo ya Msalaba

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Osiya 13:14

“Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Mateyo 22:28

Ono pabushiku bwakubuka kuswa kubafu, mwanakashi uyo ulaakuba muka ni? Mukwiinga boonse bamukowa bali bosanwe abobilo bakalinga kumweebete.”

Maako 12:24

Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe?

Luka 1:37

Mukwiinga kuli Lesa taaku ciyumu.”

Joni 20:9

(Paciindi ici kabatana kushoma Malembo akwe Lesa aamba ayi ulyeelete kubuka kuswa kubafu.)

Milimo ya Batumwi 26:8

Ceebonshi mwebo nobaJuda nomuli waano mulaalilwa kushoma ayi Lesa ulabusha bafu?

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.