Mateyo 22:16 - Baibo Busansulushi Bwa Libuku Ili

¹⁶ Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 22:16 Marejeleo ya Msalaba

1 Baami 22:14

Sombi Mikaya wakakumbula ayi, “Bweenka mbocibete lushinisho ayi Mwaami Lesa ngumuumi, mbweeke ubo ntoobalwiitabo sheenka nsheshi andwiite!”

Kulumbaisha 12:2

Womwi awomwi ulabeca shikamukobonyina. Balalumbaisha cakubeca akwaamba camyoyo yobilo.

Kulumbaisha 5:9

Isho shaamba balwani bangu tashishomwa, mukwiinga balisunibo kunyonyoola. Maswi abo ngabotu alimwi ngabushicibusa, sombi muli kweena kwabucayi.

Kulumbaisha 55:21

Maswi akwe akalinga kukondelesha kwiinda bwaanda, sombi moyo wakalinga kushimbite kulupato. Maswi akwe akalinga kubombya anga ngamafuta a olifi, sombi alayasa anga njimipeeni ikolete abuumbi.

Tushimpi 29:5

Uyo utondesha mubye lusuno lwakubeca ulaliteya koose mwiine.

Malaki 2:6

Bakalinga kwiisha shalushinisho, kakutaaku cakubeca nabi comwi. Bakalinga kwikala anebo muluumuno amubululami, alimwi akucafwa baanji ayi basanduke kuswa kushibiibi shabo.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

Mateyo 22:24

“Bafundishi, Mose wakaamba ayi, ‘Na muntu wafwa kaatana kushalilamo mwaana mumukaakwe, mukwabo ulyeelete kweeba mukalubinje kwaamba ayi ashalileko baana mukwabo uyo wakafwa.’

Mateyo 22:26

Sombi wabili awatatu boonse cakaba ngumushobo womwi kushikila akubamukowa boonse bali bosanwe abobilo.

Mateyo 26:18

Lakwe Jesu wakaamba ayi, “Kamuya kumusankwa mundabala inene iyi mukamulwiite ayi, ‘Mufundishi wesu waamba ayi, ciindi cangu cili pafwaafwi. Ntooyanda kulita cakulya ca bushiku bwa Pasika abashikwiiya bangu muŋanda yako.’ ”

Mateyo 26:49

Judasi ndyaakashika, wakeendililabo kuya kuli Jesu akwaamba ayi, “Mwaboneka Nkambo!” Mpomunyaawo wakamufyonta.

Maako 10:17

Jesu ndyaakanyamukabo ayi anooya, musankwa umwi wakamucicilila. Wakashika wafukama kunembo lyakwe akwiipusha ayi, “NoBafundishi babotu, ino inga ndacita buyani kwaamba ayi nkabe abuumi butamaani?”

Maako 12:13

Lyalo baFalisi bamwi alimwi abantu bakwe Elodi bamwi bakatumwa kwaamba ayi bacate Jesu kwiinda mukwaamba kwakwe.

Maako 12:14

Ndibakashika, bakeepusha Jesu ayi, “Bafundishi, tulishi kwaamba ayi mwebo mulashomeka alimwi mwebo tamukomwi amiyeeyo ya bantu. Tamusalululi, sombi muleeisha nshila yakwe Lesa calushinisho bweenka mbuli mboibete. Sa Milawo ilatusuminisha kupa musonko kuli Sisa muleli munene wa kuLoma, nabi tau?”

Maako 3:6

Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.

Maako 8:15

Lyalo Jesu wakabacenjesha ayi, “Amucenjele acimena ca baFalisi alimwi acakwe Elodi.”

Luka 20:21

Bantu abo bakeepusha Jesu ayi, “Bafundishi, tulishi kwaamba ayi mulaamba akwiisha shiluleme. Tulishi kwaamba ayi mwebo tamusalululi, sombi muleeisha nshila yakwe Lesa calushinisho.

Luka 7:40

Sombi Jesu wakamwaambila ayi, “Simoni ndicite cakukulwiita.” Simoni wakakumbula ayi, “Nciinshi noBafundishi?”

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Galatiya 2:6

Ono abo bakalinga kwiitwa ayi bamatanjilili (tacicite mulandu na bakalinga baani ceebo Lesa taasalululi), abo bamatanjilili mbomunya tabakwe kunungaawo ashimwi shakwaamba ayi njiishe.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.