Mateyo 22:10 - Baibo Busansulushi Bwa Libuku Ili

¹⁰ Mpomunyaawo basebenshi balya bakaya munshila mukutamba bantu bali boonse mbobakacana, babiibi abali kabotu boonse. Lyalo muŋanda ya bwiinga mwakesula bantu.

Mateyo 22:10 Marejeleo ya Msalaba

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Mateyo 22:9

Paceebo ceeco, kamuya mumampambanwa anshila mukatambe bantu bali boonse mbeshi mukacane.’

Mateyo 25:10

Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga muŋanda yabwiinga. Lyalo akumulyango kwakacalwa.

Mateyo 9:15

Jesu wakabakumbula ayi, “Sa babye shibwiinga inga balila shibwiinga kaacili abo? Sobwe! Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.