Mateyo 21:31 - Baibo Busansulushi Bwa Libuku Ili

³¹ Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Mateyo 21:31 Marejeleo ya Msalaba

Jobo 15:6

Ono mulomo wako, kuteshi waangu, utookupa mulandu. Ncakwiila myaambo yako webo omwiine itookushinina.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 20:16

Lyalo Jesu wakaamba ayi, “Bacaalishi balaakuba bataanshi, abalo bataanshi balaakuba bacaalishi.”

Mateyo 21:30

Lyalo baishi bakaya kumwaana wabili akumwaambila maswi eenka ngobakaamba kumutaanshi. Lakwe wakakumbula ayi, ‘Ntooya nkasebense Ta,’ sombi taakwe kuya.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Mateyo 5:46

Ono na kamusunibo bantu abo bamusuni, nkokwaamba ayi ncilambunshi nceenga mwatambula? Te abalo beshikusonkesha musonko balacita ubo?

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 19:22

Mwaami wakwe wakamwaambila ayi, ‘Webo omusebenshi mubiibi! Ono maswi eenka ngowasebensesha atookushinina. Ulishi kwaamba ayi ndimukali, ndabwesa shiteshi shaangu akutebula mpontakwe kushanga.

Luka 7:29

Bantu boonse abeshikusonkesha bakanyumfwa kushimikila kwakwe Joni. Ndibakabombekwa anguwe, bakasumina kwaamba ayi Lesa uliluleme.

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.