Mateyo 21:27 - Baibo Busansulushi Bwa Libuku Ili

²⁷ Paceebo ceeco bakamukumbula ayi, “Cito na mbaani.” Lyalo Jesu wakabaambila ayi, “Anebo anu teshi mulwiite wooyo wakampa nkusu shakucita shintu ishi.”

Mateyo 21:27 Marejeleo ya Msalaba

Isaya 28:9

Balo balaamba ayi, “Ino ono ngani ngwaatokwiisha? Ngani ngwaatoosansulwita maswi aya? Makani aya nga baabo baleshekwa onoono, ncakwiila abo bakushikwabo kunkolo bulya.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Mateyo 16:3

Alyalo macuunsa mulaamba ayi, ‘Sunu mfula itooloka mukwiinga kuli makumbi ashiya.’ Mulishi kusansulula mbokuboneka kwiculu, sombi mulaalilwa kusansulula shitondesho sha shintu isho shitoocitika.

Mateyo 21:26

Sombi alimwi inga tatwaambi ayi, ‘Mbantu,’ ceebo bantu boonse balishi kwaamba ayi Joni Mubombeki wakalinga mulaluki.”

Mateyo 21:28

Mpomunyaawo Jesu wakabalwiita cikoshanyo ayi, “Ino mutooyeeya buyani? Kwakalinga musankwa wakalinga kucite baana bobilo. Wakaya kumunene bantu akumwaambila ayi, ‘Mwanaangu, koya ukasebense mumuunda waminyansa sunu.’

Joni 9:30

Musankwa uyo wakabakumbula ayi, “Cilakankamika abuumbi! Tamwishi ankwaaswa, sombi nebo wanshilika ndaboona.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

2 Bene Kolinto 4:3

Ceebo na Makani Abotu ngotushimikila alishisitwe, ingayi nkubaabo beenka batoosoweka.