Mateyo 20:30 - Baibo Busansulushi Bwa Libuku Ili

³⁰ Ono basankwa bobilo boofu bakalinga kushiite mweela nshila, ndibakanyumfwa ayi nguJesu utokwiinda, bakoolobesha ayi, “Nkambo, nobana babo baDefedi amutunyumfwileko nkumbu!”

Mateyo 20:30 Marejeleo ya Msalaba

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Isaya 29:18

Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 42:18

Mwaami Lesa waamba ayi, “Amukutike mwebo nomushinkite matwi. Amulangilishe mwebo noboofu mubone.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Mateyo 13:4

Ono ndyaakalinga kushanga, shimwi mbuto shakalokela munshila abalo bayuni bakesa bashilya.

Mateyo 15:22

Mpeeke kwakesa mwanakashi kuli Jesu wa kuKenani uyo wakalinga kwikala kweenka uko. Wakoolobesha ayi, “Amunyumfwileeko nkumbu Nkambo, nobana bakwe Defedi! Mwanaangu mwanakashi ulicite bashikaswa.”

Mateyo 20:31

Bantu bakakalalila boofu balya akubaambila ayi boomune. Sombi balo bakeendilishaawo koolobesha ayi, “NoBana babo baDefedi! Nkambo amutunyumfwileko nkumbu!”

Mateyo 21:14

Mpomunyaawo boofu abalema myeendo, bakesa kuli Jesu muŋanda yakwe Lesa, mpeeke wakabashilika.

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Mateyo 22:42

“Ino mwebo mulayeeya buyani paUsalitwe wakwe Lesa? Ino ngwamulunyungu lwakwe ni?” Balo bakamukumbula ayi, “Ngwamulunyungu lwakwe Defedi.”

Maako 10:46

Mpomunyaawo bakashika mundabala ya Jeliko. Lyalo Jesu ndyaakaswaamo pantu pomwi abashikwiiya bakwe alimwi abantu baanji baanji, moofu wiitwa ayi Batimeyasi, mwanaakwe Timeyasi wakalinga kushiite mweela nshila kaasenga maali.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Luka 7:21

Paciindi ceenka ico Jesu wakashilika bantu baanji kumalwashi apusenepusene, kumapensho, kukusha bashikaswa alimwi wakabonya boofu baanji.

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.